سنڌسماءَچار
Related Articles
لاڪ ڊائون جي خلاف ورزي، ڪراچي، شڪارپور ۽ لاڙڪاڻي ۾ ماتمي جلوس، پوليس ۽ عزادارن ۾ چڪريون
ڪراچي / لاڙڪاڻو/شڪارپور( سنڌسماءَچار نيوز) حضرت علي ڪرم الله وجه جي شهادت جي ڏينهن جي مناسبت سان، لاڪ ڊائون ۽ جلسن جلوسن تي پابندي باوجود مختلف شهرن ۾ 21هين رمضان المبارڪ جي رات جو ماتمي جلوس ڪڍي عزداري جي ڪوشش ڪئي وئي، لاڙڪاڻي ۽ شڪارپور ۾ پوليس ماتمي جلوس ۽ عزاداري روڪڻ جي ڪوشش ڪئي ته پوليس ۽ عزادارن وڄ چڪريون شروع ٿي ويون. شڪارپور ۾ ماتمي جلوس دوران پوليس عزادارن کي روڪڻ جي ڪوشش ڪئي ته چڪريون شروع ٿهي ويون، جنهن دوران پوليس ڪيترن ئي عزادارن کي حراست ۾ وٺي ڇڏيو. لاڙڪاڻي ۾ به عزداري جي ڪوشش ڪئي وئي، جنهن دوران پوليس عزادارن کي لاڪ ڊائون دوران هرقسم جي جلسن، جلوسن ۽ مذهبي ميڙاڪن تي پابندي جو چئي کين جلوس نه ڪڍڻ جو چيو، جنهن تي عزارا مڇرجي پيا ۽ پوليس سان چڪريون شروع ٿي ويو، ان دوران پوليس 4 کان وڌيڪ عزادارن کي حراست ۾ وٺي ڇڏيو. ڪراچي جي کارادر، ملير جعفر طيار سوسائٽي سميت مختلف علائقن ۾ امام بارگاهن اندر عزاداري ڪئي وئي، جتي به ڪرونا جي بچاءَ کان لاڳو ڪيل ايس او پيز جي پابندي نه ڪئي وئي.
