Saturday , June 25 2022
uren

پ پ چيئرمين بلاول ڀٽو زرداري پاران بحرياٽائون ۾ ٿيل نقصان جي ازالي جي هدايت

ڪراچي (رپورٽ: آفاق ڀٽي     سنڌسماءَچار ) پيپلزپارٽي پاران ڇهين جون تي بحريا ٽائون ۾ پيش آيل وقعي سبب ٿيل نقصان جو ازالو ڪرڻ جو فيصلو، بلاول ڀٽو زرداري جي حڪم تي صوبائي وزير سعيد غني جي سربراهي ۾ پيپلزپارٽي جي چونڊيل ايم پي ايز، پ پ اڳواڻن جي وفد بحرياٽائون جو دورو ڪري ڀڃ ڊاهه وارن هنڌن جو معائنو ڪيو. بلاول ڀٽو زرداري جي هدايتن تي صوبائي وزير سعيد غني سان گڏ ايم پي اي ساجد جوکيو، راجا رزاق، سليم بلوچ، لياقت آسڪاني ۽ سلمان مراد به ساڻن گڏ هئا، وفد سان گڏ ايس ايس پي ملير به موجود هو.

صوبائي وزير سعيد غني جي اڳواڻي ۾ بحرياٽائون جي دوري تي پهتل پيپلزپارٽي ۽ سنڌ حڪومت جي وفد ڀڃ ڊاهه ۽ باهه وارن واقعن جي متاثر اسٽيٽ ايجنٽن، شورومز مالڪن سميت ٻين سان به ملاقات ڪئي، ان موقعي تي سعيد غني اسٽيٽ ايجنٽن، بلڊرز ۽ شورومز مالڪن کي خاطري ڪرائي ته معاملي جي جاچ ڪرائي بحرياٽائون ۾ ملڪيتن کي باهيون ڏيندڙ وڳوڙين سان ڪا به رعايت نه ڪنداسين، انهن شرپسندن کي هر حالت ۾ انجام تائين پهچايو ويندو. سعيد غني اهو به چيو ته پيپلزپارٽي ۽ سنڌ حڪومت متاثرن کي اڪيلو نه ڇڏيندي، نقصان جي سروي ڪري متاثرن جي هر ممڪن مدد ڪنداسين.

About Asghar Azad

Check Also

ايم آر ڊي جو اهم ڪردار سينيئر سياستدان مخدوم خليق الزمان لاڏاڻو ڪري ويو

Share this on WhatsAppمخدوم غلام محمد عرف مخدوم خليق الزمان ڪافي عرصو بيمار رهڻ بعد …

Leave a Reply

Your email address will not be published. Required fields are marked *