Wednesday , August 10 2022
uren

فيض گنج جي ڳوٺ سانگهڙ جو ويرو ۾ 2 ڄڻا قتل

فيض گنج ( رپورٽر   سنڌسماءَچار) فض گنج جي ڳوٺ سانگهڙ جو ويرو ۾ زمين تڪرار تان راڄپر ۽ بروهي برادري جي ٻن ڌرين ۾ جهيڙو، فائرنگ ۾ 2 ڄڻا مارجي ويا، 4 ڄڻا زخمي ٿي پيا، علائقي ۾ خوف وارو ماحول ڇانيل. فيض گنج جي اڪري چودڳي ٿاڻي جي حد ڳوٺ سانگهڙ جو ويرو ۾ بروهي ۽ راڄپر برادري جي ٻن ڌرين ۾ زمين جي پراڻي تڪرار تان جهيڙي دوران فائرنگ ۽ ڪهاڙيون لڳڻ جي نتيجي راڄپر برادري جو حاجي محمد علي راڄپر ۽ بروهين واري ڌر جو قربان بروهي مارجي ويا. فائرنگ جي ڏي وٺ ۽ ڪهاڙيون لڳڻ جي نتيجي ۾ ٻنهي ڌرين جا صبحان علي راڄپر، ڀورل بروهي، غلام شبير لاشاري ۽ غلام حسين لاشاري به شامل آهن، علائقي  واسين ۽ پوليس جو چوڻ آهي ته ٻنهي ڌرين وچ ۾ زمين جو تڪرار هلندڙ هو، جنهن تا اڄ خوني جهيڙو ٿي پيو، جنهن ۾ ٻه ڄڻا قتل ٿي ويا. ٻن ڄڻ جي قتل بعد ڌرين ۾ ڇڪتاڻ وڌي وئي آهي ۽ علائقي ۾ ڏهڪاءَ وارو ماحول آهي، علائقي واسين جو چوڻ آهي ته انتظاميا ۽ پوليس پرامن علائقي ۾ خوني واقعي جو نوٽيس وٺي وڌيڪ ڪنهن به نقصان کان بچڻ لاءِ قدم کنيا وڃن.

About Asghar Azad

Check Also

ايم آر ڊي جو اهم ڪردار سينيئر سياستدان مخدوم خليق الزمان لاڏاڻو ڪري ويو

Share this on WhatsAppمخدوم غلام محمد عرف مخدوم خليق الزمان ڪافي عرصو بيمار رهڻ بعد …

Leave a Reply

Your email address will not be published. Required fields are marked *