سنڌسماءَچار
Related Articles
سپر هاءِ وي تي ڪراچي کان سکر ويندڙ مسافر ويگن ۽ ٽرتالر ۾ ٽڪر، 4 ڄڻا فوت، 9 مسافر زخمي
ڄامشورو (رپورٽر سنڌسماءَچار) سپر هاءِ وي تي نوري آباد ويجهو مسافر ويگن ۽ ٽرالر ۾ ٽڪر جي نتيجي ۾ 4 ڄڻا فوت ۽ 9 ڄڻا زخمي ٿي پيا آهن، موٽروي پوليس جو چوڻ آهي ته ويگن ڪراچي کان سکر وڃي رهي هئي ته تيز رفتاري جي نتيجي ۾ ٽرالر سان ٽڪرائجي وئي. نوري آباد ڀرسان ٿيل حادثي جي نتيجي ۾ ويگن ۾ سوار سلمان، مصطفيٰ، علي بخش ۽ ويگن جو ڊرائيور هيبت خان ٿڏي تي فوت ٿي وپيا، حادثي ۾ عرفان، نويد، وقار، طالب حسين، اعجاز، محمد باقر، عنايت الله، افضل بيگ، اڪرم بيگ سميت 9 مسافر زخمي ٿي پيا، ريسڪيو ٽيمن ۽پوليس واقعي واري هنڌ پهچي فوتين جا مڙهه ۽ زخمين کي ڄامشوري اسپتال منتقل ڪيو، جن مان ڪجهه جي حالت خراب هجڻ ڪري حيدرآباد منتقل ڪيو ويو آهي.
