سنڌسماءَچار
Related Articles
ڪراچي: اليڪشن ڪميشن سانگهڙ جي پي ايس 81 تان ڄام مدد علي جي استعيفيٰ ڏيڻ بعد خالي ٿيل تڪ تي چونڊ شيڊيول پڌرو ڪري ڇڏيو آهي. اليڪشن ڪميشن، ڄام مدد علي جي استعفيٰ ڏيڻ بعد سانگهڙ جي خالي تڪ پي ايس 81 تي ننڍي چونڊ لاءِ 3 اپريل جي اتاريخ مقرر ڪري ڇڏي آهي. ننڍي چونڊ جي شيڊيول مطابق، اميدوار نامزدگي فارم 23 کان 25 فيبروري تائين جمع ڪرائي سگهندا. اليڪشن ڪميشن پاران جاري ڪيل شيڊيول موجب اميدوارن جي ڪاغذن جي جاچ پڙتال 27 فيبروري کان پهرين مارچ تائين ڪئي ويندي. جاري ڪيل شيڊيول موجب 7 مارچ تي اميدوار هٿ کڻي سگهندا، اميدوارن جي حتمي لسٽ 8 مارچ تي جاري ڪئي ويندي. ياد رهي ته گذريل عام چونڊن دوران پي ايس 81 تي ڄام مدد علي فنڪشنل ليگ جي ٽڪيٽ تي ڪاميابي ماڻي هئي. ڄام مدد علي فنڪشنل ليگ ڇڏي پيپلزپارٽي ۾ شامل ٿي ويو آهي، جنهن بعد هن ايم پي اي شپ تان استعيفيٰ ڏني هئي. ڄام مدد جي استعيفيٰ جي ڪارڻ سنڌ اسيمبليءَ جو تڪ پي ايس 81 خالي ٿي ويو هو
