سنڌسماءَچار
Related Articles
نوابشاهه( رپورٽر سنڌسماءَچار) اڳوڻي صدر ۽ پاڪستان پيپلز پارٽي جي شريڪ چيئرمين آصف زرداري نيٺ شهيد بينظير ڀٽو جي قربانين کي وساريندي دعويٰ ڪئي آهي ته سندس جيل ۾ هجڻ دوران پارٽي جي سياست ۽ ڪارڪنن کي سندس ڀيڻ فريال ٽالپر سنڀاليو.
نوابشاهه ۾ پارٽي جي خاص ۽ ويجهن دوستن جي هڪ ميڙاڪي کي خطاب ڪندي آصف زرداري تمام گهڻي ڏک پر فخريه انداز ۾ چيو ته، ” جيڪي به مسئلا ٿيا انهن کين منهن نياڻي ڏنو، سڀ ڪم منهنجي ڀيڻ ڪيا آهن. اسان جا ڪم، سياست سڀ اسان جي امانت هئي“، آصف زرداري جو چوڻ هو ته، ” انهن سڀني کي هن (فريال ٽالپر) سنڀاليو آهي، ورڪرن کي سنڀاليو آهي، اوهان جو خيال ڪيو آهي. انڪري جيڪڏهن ان جو ذڪر نه ڪيون ته اها بلڪل ئي ناانصافي هوندي.“ پيپلز پارٽي جي شريڪ چيئرمين تقريب کي خطاب دوران وڌيڪ چيو ته، ” ادي فريال ٽالپر جي قربانين ۽ دانشمندي کي وساري نه ٿو سگهجي“.
