Friday , March 29 2024

20مارچ تي پيش ٿيو؛ آصف زرداري ۽ بلاول ڀٽو زرداري کي نوٽيس جاري

نيب آصف زرداري ۽ بلاول ڀٽو زرداري – سنڌسماءَچار – فائل فوٽو

اسلام آباد (خاص نمائندو سنڌسماءَچار) ڪوڙن بئنڪ کاتن ذريعي مبينا مني لانڊرنگ واري ڪيس ۾ اڳوڻي صدر آصف زرداري ۽ پ پ چيئرمين بلاول ڀٽو زرداري کي نوٽيس جازري ڪيا ويا آهن، ذريعن جو چوڻ آهي ته، نيب پاران جاري ڪيل نوٽيس ۾ آصف ۽ بلاول کي هدايت ڪئي وئي آهي ته 20 هين مارچ تي پيش ٿي بيان رڪارڊ ڪرايو وڃي. نيب اختيارين جعلي بئنڪ اڪائونٽس ذريعي ڪروڙين رپين جي ڏيتي ليتي ۽ مني لانڊرنگ ڪيس جي جاچ ۾ هڪ ڀيرو ٻيهر تيزي اچي وئي آهي. مني لانڊرنگ ۽ جعلي بئنڪ اڪائونٽس ڪيس اسلام آباد منتقل ٿيڻ کانپوءِ نيب راولپنڊي پهريون آصف زرداري ۽ بلاول ڀٽو زرداري کي نوٽيس جاري ڪري ڇڏيا آهن. اڳوڻي صدر آصف زرداري ۽ پ پ چيئرمين بلاول ڀٽو زرداري کي نوٽيس جاري ڪندي 20 مارچ تي پيش نيب هيڊڪوارٽرز لاهور ۾ پيش ٿي بيان قلمبند ڪرائڻ جي هدايت ڪئي وئي آهي. سنڌسماءَچار کي ذريعن کان مليل ڄاڻ مطابق آصف زرداري ۽ بلاول ڀٽو زرداري کي نيب طرفان سوال نامو پيش ڪيو ويندو. نيب ذريعن جو چوڻ آهي ته آصف زرداري ۽ بلاول ڀٽو مان جيڪو به نيب ٽيم جي سوالن جا مطمئن ڪندڙ جواب نه ڏئي سگهيو. اهڙي صورت ۾ مطمئن نه ڪندڙ ماڻهو کي گرفتار ڪرڻ جا امڪان آهن.

About Asghar Azad

Check Also

هُنن جي چاهڻ سان نه پر جڏهن مان چاهيان اليڪشن ٿيندي،معاشيات جو وڏو مطالعو ڪيو آهي: آصف زرداري

ڪراچي ( مانيٽرنگ ڊيسڪ   سنڌسماءَچار) “مان 14 سال جيل ۾ معاشيات جو وڏو مطالعو ڪيو …

Leave a Reply

Your email address will not be published. Required fields are marked *