اسلام آباد ( خاص نمائندو سنڌسماءَچار) تحريڪ انصاف جي وفاقي حڪومت سياري جي مند ۾ گهريلو واهپيدارن کي گئس 24 ڪلاڪن ۾ صرف ٽَي ويلا گئس مهيا ڪرڻ جو اعلان ڪري ڇڏيو آهي، وفاقي وزير حماد اظهر سينيٽ اجلاس ۾ گئس جي کوٽ بابت پيپلزپارٽي جي سينٽر شيري رحمان جي ڌيان ڇڪايو نوٽيس تي چيو ته، بلوچستان جي 80 سيڪڙو گئس سنڌ صوبي ۾ استعمال ٿي رهي آهي، گئس جي کوٽ جي نتيجي ۾ سياري جي مند دوران گهريلو صارفين کي 24 ڪلاڪ گئس فراهم نٿا ڪري سگهون. حماد اظهر چيو ته اسان جي ڪوشش هوندي ته 24 ڪلاڪن دوران ٽَي ويلا، نيرن، مانجهاندي ۽ رات جي ماني پچائڻ جي وقت تي گئس مهيا ڪنداسين، هڪ سوال جي جواب ۾ حماد اظهر چيو ته ٽي ويلا گئس ڏيڻ وقت ايتري گئس ملي ويندي جو آنا / بيدا فراءِ يا آمليٽ ٺاهي سگهجي وڌيڪ ڪجهه نٿو چئي سگهجي؛ حماد اطهر جي اهڙي ڳالهه تي پاڪستان جي اعليٰ ايوان سينٽ ۾ ٽهڪڙو پئجي ويو.
Tags Gas Shotage in Sindh Sindh SSGC SSGC حماد اظهر گئس جي کوٽ
Check Also
سنڌ سوال ڪري ٿي!! سنڌسماءَچار اليڪشن سيل2024
سنڌ سوال ڪري ٿي!! سنڌسماءَچار اليڪشن سيل2024 سنڌ تي بنا ساهي جي وڏي اڪثريت سان …