سنڌسماءَچار
Related Articles
ٺري ميرواهه (رپورٽ:اسلم شر) ٺري ميرواهه ويجهو سوئي گئس واري علائقي ۾ خانگي اسڪول تي هٿياربندن جي فائرنگ ۾ 2 معصوم شاگرد زخمي ٿي پيا، جن کي اسڪول انتظاميا ۽ علائقي واسين اسپتال کڻي ويا. هٿياربندن جي فائرنگ ۾ زخمي ٿيل شاگردن ۾ شرجيل ۽ فيصل پاڻ ۾ سڳا ڀائر آهن، جن کي اسپتال ۾ ملم پٽي ڪرڻ بعد سندس ٻي ضروري طبي چڪاس پڻ ڪئي وئي. ڊاڪٽرن جو چوڻ آهي ته ٻارڙن جو علاج جاري رهندو ۽ سندن صحت ۾ سڌارو اچي رهيو آهي. ٻي طرف واقعي بابت معلوم ٿيو آهي ته شرجيل ۽ فيصل جي پيءُ نائلا چاڪراڻي نالي ناري سان پسند جو پرڻو ڪيو هو، جنهن تان ٻنهي ڌرين ۾ ڇڪتاڻ هلندڙ هئي ۽ اڄوڪو واقعو ان ڇڪتاڻ جو ئي نتيجو لڳي رهيو آهي. ٻي طرف پوليس اڃا تائين جوابدارن کي گرفتار نه ڪري سگهي آهي. پوليس جو چوڻ آهي ته معاملي جي جاچ ڪئي پئي وڃي ۽ جوابدارن کي به جلد سوگهو ڪيو ويندو.
