Friday , June 25 2021
uren
Breaking News

يورپي پارليامينٽ پاران پاڪستان ۾ مذهب بابت الزامن تي ڳڻتي ظاهر، جِي ايس پي-پلس سسٽم تي نظرثاني ٿيندي

جِي ايس پي-پلس اسٽيٽس هجڻ سان پاڪستان کي يورپي يونين جي 27 ميمبر رياستن ۾ ڊيوٽي فري پهچ حاصل ڪري سگهڻ واري سهولت حاصل آهي

يورپي يونين لاءِ پاڪستان جي ايڪسپورٽ جِي ايس پي-پلس اسٽيٽس کان اڳ 2013 4 ارب 53 ڪروڙ 80 لک يورو هئو جيڪو 2019 تائين 65 سيڪڙو اضافي سان 7 ارب 49 ڪروڙ 20 لک يوروز ٿي ويو هو

ڪراچي( مانيٽرنگ ڊيسڪ) پاڪستان لاءِ هڪ ٻي پريشاني، يورپي پارليامينٽ پاڪستان ۾ مذهب جي حوالي سان الزامن تي ڳڻتي ظاهر ڪندي پاڪستان کي ڏنل جنرلائزڊ سسٽم آف پرفرنز-پلس ( جي ايس پي پلس) اسٽيٽس تي نظرثاني وارو ٺهراءُ به منظور ڪري ڇڏيو آهي. 30هين اپريل جمعي ڏينهن منظر ٿي هن عمل مطابق، يورپي يونين اهڙو قدم پاڪستان ۾ سول سوسائٽي جي  تنظيمن تي آن لائن ۽ آف لائن وڌندڙ حملن جو سبب ڄاڻائي کنيو ويو آهي.

پرڏيهي ميڊيا جي رپورٽن مطابق، يورپي پارليامينٽ جي قرارداد ۾ پاڪستان کان اهو مطالبو به ڪيو ويو آهي ته، اُهو/ پاڪستان ملڪ ۾ مذهبي اقليتن جي خلاف ٿيندڙ متڀيد وارن روين ۽ تشدد جي ” بنا ڪنهن فرق“ جي مذمت ڪري. يورپي يونين جي  پارليامينٽ ڪميشن ۽ يورپي پرڏيهي ايڪشن سروس کان به مطالبو ڪيو آهي ته اُها تازن واقعن جي روشني ۾پاڪستان جَي، جنرلائزڊ سسٽم آف پرفرنز-پلس اسٽيٽس جو فوري طور تي ٻيهر نئين سِري سان جائزو وٺڻ لاءِ غور  ڪري ۽ جائزو وٺي ته ڇا ايترا مناسب ڪارڻ آهن جو جِي ايس پلس اسٽيٽس ۽ ان ذريعي ملندڙ فائدا عارضي طور تي معطل يا ختم ڪرڻ لاءِ ڪارروائي شروع ڪري سگهجي، ان حوالي سان جلد کان جلد پارليامينٽ کي آگاهي ڏني وڃي. جنرلائزڊ سسٽم آف پرفرنز-پلس اسٽيٽس هجڻ سان پاڪستان کي يورپي يونين جي 27 ميمبر رياستن ۾ ڊيوٽي فري پهچ حاصل ڪري سگهڻ واري سهولت حاصل آهي. يورپي يونين لاءِ پاڪستان جي ايڪسپورٽ جنرلائزڊ سسٽم آف پرفرنز-پلس اسٽيٽس کان اڳ 2013 4 ارب 53 ڪروڙ 80 لک يورو هئو جيڪو 2019 تائين 65 سيڪڙو اضافي سان 7 ارب 49 ڪروڙ 20 لک يوروز ٿي ويو هو.

About Asghar Azad

Check Also

افغانستان ۾ سڃاڻپ جي دستاويزن تي پيءُ سان گڏ ماءُ جو نالو لکيو ويندو

Share this on WhatsApp ڪراچي ( مانيٽرنگ ڊيسڪ   سنڌسماءَچار) هاڻي افغافستان ۾ ٻارن جي سڃاڻپ …

Leave a Reply

Your email address will not be published. Required fields are marked *