Friday , May 20 2022
uren

قلندر لال شهباز جي مزار ۾ آپگهاتي ڌماڪو ڪندڙ بمبار جو مک سهولتڪار دهشتگرد نادر عرف مرشد جکراڻي گرفتار

ڪراچي ( سنڌسماءَچار نيوز) ڪائونٽر ٽيررزم ڊپارٽمينٽ / سي ٽي ڊي پوليس ڳجهي اطلاع تي ڪارروائي ڪري سيوهڻ سانحي جي آپگهاتي بمبار جي سهولتڪار ۽ مک جوابدار نادر علي عرف مرشد جکراڻي کي گرفتار ڪري ورتو آهي، سي ٽي ڊي گرفتار دهشتگرد کي عدالت ۾ پيش ڪري 5 ڏينهن جو جسماني رمانڊ به حاصل ڪيو آهي. ڊي آءِ جي سي ٽي ڊي عامر فاروقي چيو آهي ته جوابدار نادر جکراڻي اعتراف ڪيو آهي ته آپگهاتي ڌماڪي لاءِ دهشتگرد کي افغانستان مان آندو ويو هو. سيوهڻ سانحي جي اهم جوابدار جي گرفتاري کانپوءِ سي ٽي ڊي ۽ رينجرز عملدارن ڊي آءِ جي سي ٽي ڊي آفيس ۾ گڏيل پريس ڪانفرنس ڪئي. ڊِي آءِ جي سي ٽي ڊي چيو ته  آپگهاتي حملو ڪندڙ کي نادر جکراڻي مزار تائين پهچايو، جنهن کي افغانستان مان آندو ويو هو. هن چيو ته نادر جکراڻي جو ساٿي ڊاڪٽر مصطفيٰ نالي شخص هو، جيڪو اڳ ئي ٰمستونگ آپريشن ۾ مارجي چڪو آهي.عامر فاروقي چيو ته ڊاڪٽر مصطفيٰ کي سنڌ ۾ داعش جو سربراهه بڻايو ويو هو.

About Asghar Azad

Check Also

ايم آر ڊي جو اهم ڪردار سينيئر سياستدان مخدوم خليق الزمان لاڏاڻو ڪري ويو

Share this on WhatsAppمخدوم غلام محمد عرف مخدوم خليق الزمان ڪافي عرصو بيمار رهڻ بعد …

Leave a Reply

Your email address will not be published. Required fields are marked *