Friday , May 20 2022
uren

سکر ۽ گهوٽڪي تبليغي مرڪزن ۾ 146 ڄڻن کي ڪرونا جي تصديق

تبليغي مرڪز سکر ۾ 52 ۽ گهوٽڪي مرڪز ۾ 94 ڄڻن کي ڪرونا وائرس جي تصديق

سکر / گهوٽڪي (خاص نمائندو   سنڌسماءَچار) سکر ۽ گهوٽڪي جي تبليغي مرڪزن ۾ ترسيل تبليغي جماعت جي 146 ماڻهن کي وائرس جي تصديق ٿي وئي آهي، سکر ۾ 52 ۽ گهوٽڪي ۾ ظاهر ٿيل ڪيسز ۾ پرڏيهي به شامل آهن. سکر جي تبليغي مرڪز يوسف مسجد ۽ گهوٽڪي ۾ قائم تبليغي جماعت جي مسجد ۾ گذريل ڪيترن ئي ڏينهن کان موجود تبليغي جماعت جي ماڻهن جي ڪيل ڪرونا ٽيسٽنگ جون رپورٽس اچڻ شروع ٿي ويون آهن. سکر جي يوسف مسجد تبليغي مرڪز ۾ موجود ماڻهن مان 52 ڄڻن کي وائرس جي تصديق ٿي وئي آهي، گهوٽڪي جي تبليغي مرڪز ۾ موجود تبليغي جماعت جي ماڻهن جي ٿيل ڪرونا ٽيسٽ رپورٽس ۾ 94 ماڻهن ۾ کي ڪرونا جي تصديق ٿي آهي. صحت کاتي سکر ۽ گهوٽڪي جي ذريعن جو چوڻ آهي ته ٻنهي قرنطينا سينٽرز جيڪي تبليغي مرڪز آهن، انهن ۾ موجد پرڏيهي به شامل آهن جن کي وائرس جي تصديق ٿي آحي، ٻنهي مرڪزن ۾ شهري به ايندا ويندا رهيا آهن ۽ اتي موجود تبليغي جماعت جي ماڻهن سان ملاقاتون ڪندا رهيا آهن.

About Asghar Azad

Check Also

ايم آر ڊي جو اهم ڪردار سينيئر سياستدان مخدوم خليق الزمان لاڏاڻو ڪري ويو

Share this on WhatsAppمخدوم غلام محمد عرف مخدوم خليق الزمان ڪافي عرصو بيمار رهڻ بعد …

Leave a Reply

Your email address will not be published. Required fields are marked *