Wednesday , August 10 2022
uren

خيرپور ۾ رند ڳوٺ جي رهواسين جو پوليس جي آزارن خلاف احتجاج

خيرپور (رپورٽر   سنڌسماءَچار)  خيرپور جي پوليس خلاف رند ڳوٺ جي رهواسين احتجاجي مظاهرو ڪيو، ڳوٺاڻن جو چوڻ آهي ته پوليس سندن ڳوٺ تي بنا جواز جي ڇاپا هڻي سندن جيئڻ جنجال بڻائي ڇڏيو آهي. خيرپور ۾ ڳوٺاڻن پوليس جي مبينا زيادتين ۽ نوجوان کي گرفتار ڪري گم ڪرڻ خلاف پاڪ ڪتاب کڻي احتجاجي مظاهرو ڪيو. ڳوٺ رند جي رهواسين ليمون رند، زبيده رند، حفيظان رند، راڻي نجما رند ۽ ٻين جي اڳواڻي ۾ پاڪ ڪتاب کڻي احتجاجي مظاهرو ڪيو. احتجاج ڪندڙن چيو ته پوليس مخالفن جي چوڻ تي روزانو گهرن تي چڙهايون ڪري جيئڻ جنجال بڻائي ڇڏيو آهي. هنن چيو ته پوليس گذريل ڏينهن گهرن تي بنا جواز چڙهائي ڪري هڪ ڄڻي اسماعيل رند کي گرفتار ڪرڻ بعد گم ڪري ڇڏيو آهي، جنهن جو ڪٿي به ڏس پتو نه پيو ملي. هنن مطالبو ڪيو ته پوليس زيادتين جو نوٽيس وٺي گرفتار ڪيل ڳوٺاڻي کي آزاد ڪيو وڃي، ٻي صورت ۾ احتجاج جاري رکيو ويندو.

About Asghar Azad

Check Also

شاهه لطيف يونيورسٽي جي شاگرد مٿان قتل ڪيس داخل، فيض گنج ۾ شاگردن جو احتجاج

Share this on WhatsAppعرفان چانڊيو خلاف جڙتو ڪيس ختم ڪري بااثر ماڻهن ۽ ڊکڻ پوليس …

Leave a Reply

Your email address will not be published. Required fields are marked *