Wednesday , August 10 2022
uren

حيدر آباد ۽ ملير پريس ڪلب جا مالي معاملا ۽ ميمبرشپ جا مامرا سنڌ هاءِ ڪورٽ پهچي ويا

Hydabad press club 1

ملير جي سينيئر صحافي مصري ملاڻي ۽ حيدرآباد پريس ڪلب جي اڳوڻي صدر محمد جعفر ميمڻ پنهنجي سينئر ائڊووڪيٽ منظورحسين کوسو , ساٿي ائڊووڪيٽ محمد يعقوب لاکير ، ائڊووڪيٽ عبدالرزاق ٽالپر جي معرفت سنڌ هاء ڪورٽ ڪراچي ۾ هڪ آئيني پٽيشن داخل ڪرائي، جيڪا سنڌ ھائي ڪورٽ جي چيف جسٽس جناب جسٽس احمد علي شيخ صاحب ڪراچي ۾ ٻڌڻ لاء منظور ڪري ڇڏي آهي۔ پٽيشن ۾ عدالت سڳوري کي آگاهي ڏني وئي آهي ته ملير ۽ حيدرآباد پريس ڪلبن ۾ آئين کان مٿانهان ڪم ڪيا پيا وڃن ۔ هڪڙي پاسي هڪ هٽي قائم ڪري ميمبرشپ بند رکي ٿي وڃي ته وري ٻي طرف غير عامل صحافين کي ميمبر شپ ۾ شامل رکي نوجوان صحافين جا حق ماريا پيا وڃن۔ پٽيشن ۾ ڪورٽ سڳوري کي استدعا ڪندي پٽيشنرن لکيو آھي ته ڪراچي ملير حيدرآباد سميت سڄي سنڌ جي پريس ڪلبن تي ڪوڙا هٿرادو ميمبر آھن جيڪي سرڪاري نوڪريون به ڪن ٿا ۽ پريس ڪلب جي ميمبرشپ به برقرار رکيو اچن.

jaffar_memonHydabad press club 1

پٽيشن ۾ اعلي عدالت کي آگاھ ڪيو ويو آهي ته حيدرآباد پريس ڪلب وٽ 20 سالن کان مئنيجر رکيو نٿو وڃي جڏھن ته ان عرصي دوران ڪرڙين روپين جي آمدني ٿي آهي ۔ ساڳي ئي عرصي دوران آڊٽ رپورٽ به ناهي ٺاهي وئي ۔ ڪجھ ماڻھون ڪلب جي اڪائونٽ مان پئسا ڪڍي پنهنجن ذاتي ڪاروبارن ۾ استعمال ڪندا رهيا آهن ۔ عدالت کان استدعا ڪئي وئي آهي ته سنڌ سرڪار کان خريد ڪيل زمين کي پلاٽن جي شڪل ۾ صحافين کي ڏيڻ بجاء سرڪاري ملازمن کي به ڏيڻ واري طريقي تي عمل ڪيو پيو وڃي ۔ پٽيشن ۾ وڏا انڪشاف ڪندي ڊيوئل ميمبر شپ ۽ بوگس ميمبرشپ کان علاوه ڪوڙي ميمبرشپ مان ٻيون کوڙ ساريون رعايتون، فنڊن ۽ پلاٽن ۾ حصاپتيون مائٽن مٽن کي پڻ پلاٽ ڏيڻ جا انڪشاف ٿيل آهن ۔ هن پٽيشن ۾ ملير پريس ڪلب جي صدر / سيڪريٽري ، حيدرآباد پريس ڪلب جي اليڪشن ڪميٽي جي چيئرمين ، صدر / سيڪريٽري ، سنڌ جي چيف سيڪريٽري ، نيب سنڌ ، اطلاعات کاتي جي سيڪريٽري ، ڊي جي ايڇ ڊي اي حيدرآباد / ملير ۽ ٻين کي ڌر بڻايو ويو آهي ۔

About Asghar Azad

Check Also

ايم آر ڊي جو اهم ڪردار سينيئر سياستدان مخدوم خليق الزمان لاڏاڻو ڪري ويو

Share this on WhatsAppمخدوم غلام محمد عرف مخدوم خليق الزمان ڪافي عرصو بيمار رهڻ بعد …

Leave a Reply

Your email address will not be published. Required fields are marked *