Wednesday , August 10 2022
uren

جعلي ڊوميسائيلز رد ڪيو، سڄي سنڌ ۾ احتجاجي مظاهرا

لاڙڪاڻو، ڏهرڪي، فيض گنج، نارو سميت سڄي سنڌ جي مختلف شهرن ۾ جعلي ڊوميسائيلز رد ڪرائڻ لاءِ احتجاج

لاڙڪاڻو /فيض گنج (رپورٽرز سنڌسماءَچار) سنڌ ۾ جعلي ڊوميسائل ٺاهڻ واري عملي خلاف ۽ ٻين صوبن جي ماڻهن کي جاري ڪيل جعلي ڊوميسائيلز رد ڪرڻ لاءِ لاڙڪاڻو، سکر، شڪارپور، بدين، ڏهرڪي، فيض گنج ۽ نارو سميت مختلف شهرن ۾ احتجاجي مظاهرا ڪيا ويا. سنڌ اندر ٻين صوبن جي ماڻهن کي جعلي ڊوميسائيل جاري ڪرڻ واري معاملي خلاف جاري احتجاج جي سلسلي ۾ ۾ شڪارپور، لاڙڪاڻو، فيض گنج، ڏهرڪي، سنڌڙي، نصير آباد، جوهي سميت مختلف شهرن ۾ احتجاجي مظاهرا ڪيا ويا، احتجاج ڪندڙن پاران جعلي ڊوميسائيل ٺاهيندڙ ڪامورن خلاف سخت نعري بازي ڪئي. فيض گنج ۾ سياسي سماجي اڳواڻن تصور باقي، شازم خادم شر جي اڳواڻي ۾ پريس ڪلب آڏو احتجاجي مظاهرو ڪيو ويو. مظاهري کي خطاب ڪندي شاذم خادم، تصور باقي ۽ ٻين چيو ته هڪ سوچيل سمجهيل سازش تحت سنڌ جي حقن تي ڌاڙا هڻڻ لاءِ ٻين صوبن جي ماڻهن کي جعلي ڊوميسائيل ٺهرائي انهن کي سنڌ حڪومت جي مختلف کاتن ۾ نوڪريون ڏنيون ويو آهن، جنهن سان سنڌ جي نوجوانن جي حقن تي ڌاڙو هنيو پيو وڃي.

هنن چيو ته اهڙو عمل نه رڳو غيرقانوني پر غير اخلاقي ۽ بينادي انساني حقن جي به خلاف آهي. هنن مطالبو ڪيو ته سنڌ ۾ ٻين صوبن جي ماڻهن کي جاري ڪيل جعلي ڊوميسائيل ۽ ان بنياد تي تعليمي ادارن ۾ داخلائن ۽ مليل نوڪرين کي فوري طور تي ختم ڪيو وڃي، انهن ماڻهن پاران ورتل مالي فائدن جي صورت ۾ ناڻو به واپس سنڌ جي خزاني ۾ جمع ڪرايو وڃي. پنو عاقل، پيرڳوٺ، مٺياڻي، تنگواڻي، ڀان سيد آباد، ڏهرڪي، ڏوڪري ۾ به احتجاجي مظاهرا رڪارڊ ڪيا ويا، مظاهرو ڪندڙ نوجوانن جو چوڻ هو ته جعلي ڊوميسائل ٺاهيندڙن کي وائکو ڪري سخت سزا ڏني وڃي.

نارو ۾ جسقم پاران س نڌ۾ ڌارين جا ڊومسائيلز جالي ڊوميسائيلز جاري ٿيڻ خلاف جسقم پاران چونڊڪو ۾ لطيف رڏ، اعجاز شر ۽ خورشيد ڏھر جي اڳواڻي بازار مان احتجاجي ريلي ڪڍي پريس ڪلب چونڊڪو آڏو احتجاجي مظاهرو ڪري ڌرڻو هنيو ويو. ڌرڻي کي خطاب  ڪندي اڳواڻن چيو ته سنڌ جي مختلف ضلعن ۾ ڌارين ماڻھن کي جاري ڪيل ڊوميسائليز رد ڪيا وڃن.

About Asghar Azad

Check Also

ايم آر ڊي جو اهم ڪردار سينيئر سياستدان مخدوم خليق الزمان لاڏاڻو ڪري ويو

Share this on WhatsAppمخدوم غلام محمد عرف مخدوم خليق الزمان ڪافي عرصو بيمار رهڻ بعد …

Leave a Reply

Your email address will not be published. Required fields are marked *