Monday , January 24 2022
uren

افغان سرحد کان پاڪ آرمي تي دهشتگردن جوحملو، 4 جوان شهيد

افغان سرحد کان پاڪ آرمي تي دهشتگردن جا ٻه ڌار ڌار حملا، فائرنگ ۾ 4 جوان شهيد، پاڪ فوج جي جوابي ڪارروائي، 2 دهشتگرد مارجي ويا

راولپنڊي (مانيٽرنگ ڊيسڪ   سنڌسماءَچار) افغانستان جي پاسي کان سرحد پار دهشتگرد جا اُتر وزيرستان ۽ پاڪ افغان سرحد تي فائرنگ جا ٻه ڌار ڌار واقعا، 4 فوجي جوان شهيد ۽ هڪ زخمي ٿي پيو، فورسز جي جوابي ڪارروائي ۾ 2 دهشتگرد به مارجي ويا. آءِ ايس پي آر جي بيان موجب اُتر وزيرستان جي ابا خيل ۽ اسپن وام ڀرسان سيڪيورٽي فورسز تي دهشتگردن فائرنگ ڪئي، جنهن جي نتيجي ۾ پاڪ جو سپاهي اختر حسين شهيد ٿي ويو، جڏهن ته فورسز جي جوابي ڪارروائي ۾ 2 دهشتگرد مارجي ويا. آءِ ايس پي آر موجب شهيد سپاهي اختر حسين جو واسطو بلتستان سان آهي. آءِ ايس پي آر جي بيان ۾ ٻڌايو ويو آهي ته ٻيو واقعو – پاڪ افغان سرحد تي پيش آيو، جتي ڪنڊيدار تارون لڳائڻ ۾ رُڌل فوجين تي سرحد پار دهشتگردن فائرنگ ڪئي، جنهن جي نتيجي ۾ 3 سپاهي شهيد ۽ هڪ زخمي ٿي پيو. شهيدن ۾ خيبر واسي لانس نائڪ سيد امين آفريدي، مانسهره واسي لانس نائيڪ محمد شعيب ۽ نوشهره واسي سپاهي ڪاشف علي شامل آهن.

About Asghar Azad

Check Also

وزيراعظم عمران خان پاران آءِ ايم ايف وٽ وڃڻ بابت اهم انڪشاف

Share this on WhatsApp اسلام آباد (خاص نمائندو   سنڌسماءَچار) وزيراعظم عمران خان نيٺ آءِ ايم …

Leave a Reply

Your email address will not be published. Required fields are marked *