Friday , June 25 2021
uren
Breaking News

افغانستان مان امريڪي فوج جي واپسي، پاڪستان لاءِ خطرن تي پريشان آهيون: امريڪي سينٽرل ڪمانڊ جو سربراهه

ڪراچي(سنڌسماءَچار   مانيٽرنگ ڊيسڪ) ”اسان افغانستان مان پنهنجون فوجون واپس ڪري رهيا آهيون، پر جيڪا پريشاني آهي اُها هي ته امريڪي فوج جي واپسي سان افغانستان ۾ القائدا ۽ داعش ٻيهر منظم ٿي وينديون، جيڪو خطي خاص طور تي پاڪستان لاءِ پريشاني جو سبب ٿيندو“، اهو چوڻ آهي ته افغانستان ۾ مقرر امريڪي فوج جي سينٽرل ڪمانڊ جي سربراهه جنرل ڪيٿ ايف ميڪنزي جو.

جنرل ڪيٿ ميڪنزي برطانوي خابرو ادارن سان ڳالهائيندي ۽ مختلف سوالن جا جواب ڏيندي چيو آهي ته، اسان کي خطرو آهي ته امريڪي فوج جي واپسي کانپوءِ افغانستان ۾ دهشتگرد ٽولن خاص طور تي داعش ۽ القائدا جي ٻيهر سرگرم ٿيڻ جو خدشو موجود آهي، جيڪو وچ ايشيائي ملڪن ۽ ايران لاءِ خطرناڪ ثابت ٿي سگهي ٿو. امريڪي جنرل چيو ته افغانستان مان واپسي کانپوءِ افغانستان ۾ دهشتگرد تنظيمن القائدا ۽ داعش تي جي ٻيهر سرگرم ٿيڻ تي نظر رکڻ، انهن کي منهن ڏيڻ ۽ انهن جي نتيجن جو تدارڪ ڪرڻ به تمام گهڻو ڏکيون ٿيندو.انتهائي ڏکيو ٿي پوندو. جنرل ڪيٿ ميڪينز جو چوڻ هو ته افغانستان جو مستحڪم ٿيڻ ۽ پرامن افغانستان خطي جي لاءِ انتهائي ضروري آهي انڪري هتي القاعدا، داعش ۽ ٻين اهڙن دهشتگرد ٽولن کي ٻيهر ڪر کڻڻ نه ڏنو وڃي ۽ نه ئي مقامي ماڻهن ۾ انهن لاءِ ڪا همدردي پيدا ٿيڻ ڏني وڃي.  سندس چوڻ آهي ته امريڪي ۽ نيٽو فورسز جي افغانستان مان نڪري وڃڻ کانپوءِ سڀ کان وڌيڪ دهشتگردي جو خطرو پاڪستان لاءِ آهي.

About Asghar Azad

Check Also

افغانستان ۾ سڃاڻپ جي دستاويزن تي پيءُ سان گڏ ماءُ جو نالو لکيو ويندو

Share this on WhatsApp ڪراچي ( مانيٽرنگ ڊيسڪ   سنڌسماءَچار) هاڻي افغافستان ۾ ٻارن جي سڃاڻپ …

Leave a Reply

Your email address will not be published. Required fields are marked *