سنڌسماءَچار
Related Articles
اسلام آباد( خاص عيوضي سنڌسماءَچار) سپريم ڪورٽ پنجاب کانپوءِ سنڌ ۾ به کُليل کير ۽ ڊٻن ۾ پيڪ ٿيل کير جي معيار ۽ پيداوار بابت پاڻمرادو نوٽيس وٺي ڇڏيو آهي. چيف جسٽس آف پاڪستان جسٽس ميان ثاقب نثار سنڌ ۾ وڪرو ٿيندڙ کليل کير ۽ مختلف ڪمپنين پاران ڊٻن ۾ پيڪ ڪري وڪرو ٿيڻ واري کير جي معيار ۽ پيداوار بابت پاڻمرادو نوٽيس وٺندي رپورٽ طلب ڪري ورتي آهي. پاڻمرادي نوٽيس جي ٻڌڻي 13 هين جنوري ڇنڇر ڏهاڙي سپريم ڪورٽ ڪراچي رجسٽري ۾ مقرر ڪئي وئي آهي.
ان کان اڳ سپريم ڪورٽ ۾ پنجاب ۾ خراب کير وڪرو ٿيڻ واري معاملي جو ڪيس هلندڙ آهي، سپريم ڪورٽ کير ڏيارڻ لاءِ استعمال ٿيندڙ انجيڪشن/سُئي/ٽيڪي تي پنجاب ۾ پابندي لڳائي ڇڏي آهي.
