Thursday , July 18 2024

5ارب 77 ڪروڙ رپين جي ڪرپشن ڪيس ۾ ۾ گرفتار شرجيل ميمڻ جي بيماري جاچڻ لاءِ احتساب عدالت ميڊيڪل بورڊ جوڙي ڇڏيو

ڪراچي (رپورٽر سنڌسماءَچار)احتساب عدالت 5 ارب 77 ڪروڙ رپين جي ڪرپش ڪيس ۾ گرفتار ٿيل، اڳوڻي صوبائي وزير شرجيل ميمڻ جي علاج جي سهولت ڏيارڻ بابت داخل ڪرايل درخواست تي ٻڌڻي ڪئي، جنهن دوران درخواستگذار کي به عدالت ۾ پيش ڪيو ويو. عدالت شرجيل ميمڻ جي بيماري واري معاملي تي ميڊيڪل بورڊ جوڙڻ جو حڪم ڏيندي هدايت ڪئي ته ميڊيڪل بورڊ شرجيل ميمڻ جو معائنو ڪري ٻڌائي ته کيس ڪهڙي بيماري آهي. عدالت ميڊيڪل بورڊ بابت جاري ڪيل حڪم ۾ چيو آهي ته بورڊ اهو به ٻڌائي ته درخواستگذار شرجيل ميمڻ جو علاج ڪٿي ممڪن آهي؟ عدالتي حڪم ۾ چيو ويو ته اهو به ٻڌايو ته ڇا شرجيل جي زندگي کي ڪو خطرو آهي ڇا؟ عدالت شرجيل ميمڻ جي علاج بابت صحت واري سيڪريٽري کي 16 ڊسمر تائين تفصيلي رپورٽ پيش ڪرڻ جو حڪم ڏيندي ڪيس جي ٻڌڻي ملتوي ڪري ڇڏي.

About Asghar Azad

Check Also

سنڌو درياءَ جي ساڄي ڪپ جي ڪئنالن ۾ پاڻي کوٽ ختم ڪئي وڃي: وڏو وزير

ڪراچي (اسٽاف رپورٽر   سنڌسماءَچار)سنڌ جي وڏي وزير سيد مراد علي شاهه جي صدارت هيٺ سنڌو …

Leave a Reply

Your email address will not be published. Required fields are marked *