ٻٻرلوءِ باءِ پاس تي حادثو، 4 ڄڻا فوت، 11 مسافر ڦٽجي پيا

سکر(رپورٽر   سنڌسماءَچار) ٻٻرلوءِ باءَ پاس وٽ ڪار ۽ ويگن ۾ ٽڪر عورتن سوڌو چار ڄڻا اجل جو شڪار، 11 ڄڻا زخمي ٿي پيا، فوتين جا مڙهه ۽ زخمين کي سر سول اسپتال منتقل ڪيو ويو، مڙهه وارثن حوالي ، زخمين جو علاج هلندڙ آهي. ٻٻرلوءِ ۽ سکر باءِ پاس قومي شاهراهه تي سکر سينٽرل جيل ويجهو ڪار ۽ وين ٽڪر ٿين  پيو، جنهن جي نتيجي ۾ 4 ڄڻا فوت ٿي ويا، عورتن ۽ ٻارن سميت11 زخمي ٿي پيا آهن، فوتين ۾ مسمات زنيرا، مسمات شبانا آرائين، محمد جميل ۽ حفيظ شاهه شامل آهن، جن جا لاش ۽ زخمين کي سول اسپتال سکر منتقل ڪيو ويو. اسپتال ۾ قانوني ڪارروائي کانپوءِ فوتين جا مڙهه ارثن حوالي ڪيا ويا جن کي وارث اباڻن علائقن ڏانهن کڻائي ويا آهن. اسپتال ۾ داخل ڪيل زخمينجو علاج هلندڙ آهي، جن مان ڪجهه جي حالت نازڪ ٻڌائي پئي وڃي. حادثي جو شڪار ٿي ويل وين خيرپور کان سکر وڃي رهي هئي.