Wednesday , June 19 2024

ڪٻاڙي جو دوڪان ۽ ملڪ هلائڻ ۾ فرق آهي: مريم اورنگزيب

لاهور(سنڌسماءَچار مانيٽرنگ ڊيسڪ) ن ليگ جي ترجمان ۽ اڳوڻي وفاقي وزير مريم اورنگزيب چيو آهي ته، ملڪي اثاثا وڪڻڻ ۽ ڪرائي تي ڏيڻ سان ملڪ ناهي هلندو ۽ ان سان تبديلي نه تباهي ايندي آهي. لاهور ۾ ميڊيا سان ڳالهائيندي مريم اورنگزيب چيو ته، ملڪيتون وڪڻڻ ۽ مسواڙ تي ڏيڻ سان تبديلي نه پر تباهي ايندي آهي. هن ريڊيو پاڪستان جي بلڊنگ ليز تي ڏيڻ واري معاملي تي حڪومت تي تنقيد ڪئي، مريم اورنگزيب جو چوڻ هو ته اِهو افسوس جوڳو امر آهي ته ريڊيو پاڪستان ملڪ جي قائم ٿيڻ جو اعلان ڪيو هو. هن چيو ته ريڊيو پاڪستان جي بلڊنگ ليز تي ڏيڻ ريڊيو پاڪستان تي سڌو سنئون حملو آهي، اسان ائين قطعي نه ٿيڻ ڏينداسين. هن چيو ته اِهو فيصلو پارليامينٽ ۾ ٿيندڙ قانون سازي جي ذريعي ئي ممڪن آهي، ان ۾ ڪو هڪڙو فرد فيصلو نٿو ڪري سگهي. هن وڌيڪ چيو ته شين کي اهڙي ريت ليز تي ڏيڻ قبول ناهي، حڪومت کي هلائڻ جا پنهنجا تقاضا هوندا آهن، ان کي دڪان جيان نٿو هلائي سگهجي.

About Asghar Azad

Check Also

وفاق جو رويو ٺيڪ ناهي، اسان ٿر ۾ بجلي پيدا ڪري فيصل آباد کي ڏيون ٿا: مراد علي شاهه

افسوس آهي ته وفاق جو رويو ٺيڪ ناهي، اسان ملڪ لاءِ سوچيون ۽ عملي ڪم …

Leave a Reply

Your email address will not be published. Required fields are marked *