Monday , May 20 2024

ڪراچي ۾ سماءَ ٽي وي جي ڊي ايس جي گاڏي تي دهشتگردن جي حملي ۾ هڪ ڪارڪن شهيد

TAIMOOR-STILL-LOOP

ڪراچي جي نارٿ ناظم آباد واري علائقي ۾ دهشتگردن نجي ٽي وي سماءَ جي لائيو گاڏي ڊي ايس اين جي تي دهشتگردن انڌاڌند فائرنگ ڪري ڏني، جنهن جي نتيج ۾ هڪ ڪارڪن شهيد ٿي ويو.

دهشتگردن جي فائرنگ ۾ شهيد ٿي ويل ڪارڪن جي سڃاڻپ تيمور جي نالي سان ٿي وئي آهي. سماءَ جي ڊي ايس جي تي موجود رپورٽر ۽ ٻئي عملي جو چوڻ آهي ته ڪي ڊي اي چورنگي واري علائقي ۾ دستي بم ڌ ماڪي جي اطلاع تي هُو ڪوريج لاءِ پهتا ته دهشتگردن انڌادنڌ فائرنگ ڪري ڏني جنهن ۾ تيمور ٿڏي تي شهيد ٿي ويو.

ٻي طرف سماءَ ٽي جي  گاڏي تي حملي ۽ هڪ ڪارڪن جي شهادت واري واقعي جو سنڌ جي وڏي وزير ۽ آءِ جي سنڌ نوٽيس وٺندي جوابدارن کي فوري طور تي گرفتار ڪرڻ جو حڪم ڏئي ڇڏيو آهي.

وڏي وزير مراد علي شاهه سماءَ ٽي جي وين تي حملي ۽ ڪارڪن جي شهادت تي ڏک جو اظهار ڪندي چيو آهي ته، واقعي جي جوابدارن کي هر حالت ۾ گرفتار ڪيو ويندو ۽ کين قانون موجب سزا ڏياري ويندي.

هوڏانهن صحافتي تنظيمن پاران واقعي جي سخت لفظن ۾ مذمت ڪندي جوابدارن کي فوري طور تي گرفتار ڪرڻ جو مطالبو ڪيو آهي.

About Asghar Azad

Check Also

“صدين کان آباد پنهنجا ڳوٺ خالي ڪيو”، ملير جي ڳوٺاڻن کي نادر شاهي حڪم

“صدين کان آباد پنهنجا ڳوٺ خالي ڪيو”، ملير جي ڳوٺاڻن کي نادر شاهي حڪم   …

Leave a Reply

Your email address will not be published. Required fields are marked *