سنڌسماءَچار
Related Articles
سنڌ جي تاريخي ماڳ ڪارونجهر بابت سنڌ هاءِ ڪورٽ جو هڪ ٻيو تاريخي فيصلو
ڪراچي (رپورٽ: آفاق ڀٽي سنڌسماءَچار) سنڌ هاءِ ڪورٽ، ڪارونجهر جبل بابت سنڌ حڪومت جا سمورا حڪم رد ڪري ڇڏيا، ڪارونجهر کي قومي ورثو قرار ڏيڻ بابت سنڌ حڪومت کي آخري موقعو ڏئي ڇڏيو. سنڌ هاءِ ڪورٽ جي جسٽس عدنان ڪريم ۽ جسٽس امجد علي ٻوهيو تي ٻڌل ٻه رڪني بئنچ ڪارونجهر جي ڪٽائي بابت ڪيس جي ٻڌڻي ڪئي. عدالت ڪيس جي ٻڌڻي دوران ڪارونجهر جي ڪٽائي بابت سنڌ حڪومت جي سمورن فيصلن کي رد ڪندي ڪارونجهر کي قومي ورثو قرار ڏيڻ جو حڪم ڏنو. جسٽس عدنان ڪريم ۽ جسٽس امجد علي ٻوهيو سنڌ حڪومت کي آخري موقعو ڏيندي حڪم ڏنو آهي ته ڪارونجهر کي تاريخي ورثو قرار ڏيڻ جو نوٽيفڪيشن جاري ڪري، اهو نوٽيفڪيشن ايندڙ ٻڌڻيءَ تي عدالت ۾ پيش ڪيو وڃي.
ڪيس جي ٻڌڻي دوران عدالت ريمارڪس ڏيندي چيو ته سنڌ ۾ رڳو ڪارونجهر ئي بچيو آهي، جنهن کي به اوهان کپائڻ چاهيو ٿا، جيستائين عدالتون موجود آهن، اوهان ڪارونجهر کي کپائي نٿا سگهو.
