سنڌسماءَچار
Related Articles
ڊيووس: وزيراعظم نواز شريف چيو آهي ته پاڪستان ۾ سيڙپڪاري جا موقعا موجود آهن ۽ سيڙپڪارن لاءِ وڌ کان وڌ سهولتون مهيا ڪيون پيون وڃن. ڊيووس ۾ مختلف ملڪن جي سيڙپڪارن ۽ وفدن سان ڳالهائيندي وزيراعظم نواز شريف جو چوڻ هو ته، هن وقت پاڪستان پرڏيهي سيڙپڪارن لاءِ بهترين ملڪ جي حيثيت اختيار ڪري ويو آهي.
وزيراعظم چيو ته پاڪ چين اقتصادي راهدري پاڪستان جي ترقي ۾ اهم سنگ ميل ثابت ٿيو آهي، ان سان خطي جي معاشي صورتحال تمام گهڻا مثبت اثر پوندا
ٻي طرف وزيراعظم نوازشريف سوئس ڪنفيڊريشن جي صد سان ملاقات ڪري معاشي صورتحال سميت مختلف معاملن تي ڳالهيون ڪيون آهن.
عالمي اقتصادي فورم جي اجلاس ۾ شرڪت لاءِ ڊيووس پهتل وزير اعظم نواز شريف ڪنفيڊريشن جي صد ڊورس ليوٿارڊ سان ملاقات ڪئي، جنهن دوران طارق فاطمي، تهمينا جنجوعا ۽ ٻيا به اڳواڻ به شريڪ هئا.
ڊورس ليوٿارڊ چيو ته چئلينجز باوجود پاڪستان جي معاشي ترقي تي خوشي آهي،پاڪستان درست رُخ ۾ اڳتي وڌي رهيو آهي.
هن چيو ته پاڪستان جو اقتصادي روڊ ميپ واکاڻ جوڳو آهي، بهتر ماحول سبب سوئس ڪمپنيون ڪم ڪرڻ لاءِ تيار آهن.
