Friday , April 19 2024

پيپلز پارٽي خواجا آصف جي نااهل ٿيڻ تي خوش ناهي: خورشيد شاهه

اسلام آباد (سنڌسماءَچار مانيٽرنگ ڊيسڪ) پيپلز پارٽي جي سينئر اڳواڻ ۽ قومي اسيمبلي ۾ مخالف ڌر جي اڳواڻ خورشيد شاهه آئين جي آرٽيڪلز 62 ۽ 63 کي ڪارو قانون ڪرار ڏيندي چيو آهي ته، مون سميت ڪير به حقيقي سياست ڪندڙ خواجا آصف جي نااهلي مان خوش نه آهن. صحافين سان ڳالهائيندي خورشيد شاهه چيو ته ضياءَ الحق جي پاليسين ۽ سندس ٺاهيل قانون ملڪ جي ڪنهن به سياستدان کي ناهي ڇڏيو، انهن مان سڀ متاثر ٿيا آهن. اهڙي قانون سان اڄ ضياءَ الحق جا ٻار به متاثر ٿي رهيا آهن. هن چيو ته بهتر هو ته خواجه آصف جي نااهلي جو معاملو پارليامينٽ ۾ طئي ٿي وڃي ها. مون سميت ڪو به سياستدان نااهلي مان خوش ناهي. سندس چوڻ هو ته حڪومت کي ڪنهن به نموني چئن مهينن کان وڌيڪ جي بجيٽ پيش نه ڪرڻ گهرجي، چئن مهينن جي بجيٽ واري معاملي تي سموري اپوزيشن متفق آهي، حڪومت هڪ سال جي بجيٽ پيش ڪري نئين روايت وجهي رهي آهي. خورشيد شاهه چيو ته نئين مالي سال جي بجيٽ ايندڙ حڪومت کي پيش ڪرڻ گهرجي.

About Asghar Azad

Check Also

نيون تڪبنديون، سنڌ جي چئن ضلعن ۾ قومي ۽ صوبائي اسيمبلي جون4 سيٽون گهٽجي ويون

ڊجيٽل آدمشماري ۾ سنڌ جي آبادي تي هنيل ڌاڙي ۽ پيپلزپارٽي جي اقتداري لالچ جا …

Leave a Reply

Your email address will not be published. Required fields are marked *