Saturday , June 22 2024

پشاور زرعي يونيورسٽي جي ڊائريڪوٽريٽ تي دهشتگردن جو حملو،9ڄڻا مارجي ويا، 33 کان وڌيڪ زخمي

پشاور ( سنڌ سماءَ چار مانيٽرنگ ڊيسڪ) پشاور زرعي يونيورسٽي جي ڊائريڪٽوريٽ تي حملي ۾ 9 ڄڻا مارجي ويا آهن، مارجي ويلن مان اڪثر ذخمي حالت ۾ مختلف اسپتالن ڏانهن نيئندي يا اسپتالن ۾ علاج دوران زخمن جا سور نه سهندي فوت ٿي ويا آهن. جمعي ڏينهن صبح جو سوير 3 کان 5 دهشتگردن حملي ۾ 9 ڄڻا مارجي ويا ۽ هڪ صحافي سوڌو 33 کان وڌيڪ زخمي ٿي پيا،سيڪيورٽي فورسز جي آپريشن دوران 3 دهشتگرد به ماريا ويا ۽ سمورن زخمين کي ٽيچنگ اسپتال ۽ حيات آباد ميڊيڪل ڪمپليڪس پشاور داخل ڪيو ويو آهي. پاڪ فوج، ايف سي ۽ پوليس ڊائريڪٽوريٽ ۾ سرچنگ ڪري ڪليئر ڪيو ويو. دهشتگردن جي حملي ۾ زخمي ٿيلن ۾ هڪ صحافي ۽ 2 سيڪيورٽي اهلڪار به شامل آهن.

ڪي پي پوليس جي ذريعن جو چوڻ آهي ته جمعي ڏينهن صبح جو سوير 3 کان 5 ڄڻا هڪ رڪشي ۾ زرعي يونيورسٽي جي ريسرچ ڊائريڪٽوريٽ ۾ داخل ٿيا ۽ ٽنهي ڄڻن کي برقعا پاتل هئا. دهشتگردن عمارت اندر داخل ٿيندي ئي پهريان هوائي فائرنگ ڪئي ۽ ان دوران ئي 3 ڌماڪن جا آواز به ٻڌڻ آيا. ان دوران ئي اطلاع تي ايف سي، پوليس ۽ پاڪ فوج جا جٿا به پهچي ويا، جن فوري طور تي سڄي ڊائريڪٽوريٽ کي ڪڙو چاڙهي آپريشن شروع ڪري ڇڏيو. سيڪيورٽي فورسز جي آپريشن دوران 3 دهشتگرد مارجي ويا. پشاور زرعي يونيورسٽي جي ذريعن جو چوڻ  آهي ته موڪل هجڻ سبب يونيورسٽي ڊائرڪٽوريٽ جي هاسٽل ۾ رهندڙ شاگردن جو انگ لڳ ڀڳ ڏيڍ سئو شاگرد ۽ ڪجهه رهائشي ڪوراٽرز ۾ فئمليز موجود هيون. ذريعن امڪان ظاهر ڪيو آهي ته، زخمين جو انگ وڌي سگهي ٿو. ڊان نيوز جي رپورٽس موجب ڊائريڪٽوريٽ ۾ داخل ٿيندڙ 3 کان 5 دهشتگرد داخل ٿيا هئا جن مان 3 ٿڏي تي مارجي ويا. جن وٽ جديد هٿيار ۽ دستي بم ۽ ٻيا هٿيار به هئا.

About Asghar Azad

Check Also

سموري دنيا مان ڪعبته الله شريف پهتل 20 لک کان وڌيڪ مسلمانن حج جو فرض ادا ڪري ڇڏيو

”دعائن جا سڀ کان وڌيڪ حقدار فلسطيني آهن، جن وٽ کاڌو ۽ پيئڻ جو پاڻي …

Leave a Reply

Your email address will not be published. Required fields are marked *