Wednesday , June 19 2024

پاڪستان ۾ ڪرونا وائرس تيزي سان پکڙجڻ لڳو، صنعتون به کُلڻ لڳيون

پاڪستان ۾ ڪرونا وائرس تيزي سان پکڙجڻ لڳو، لاڪ ڊائون تي به عمل نه ٿيو

ڪراچي (رپورٽ:آفاق ڀٽي    سنڌسماءَچار) وزيراعظم عمران خان پاران 15 اپريل کان ڪيل جزوي لاڪ ڊائون کانپوءِ گڊز ٽرانسپورٽ ۽ اڏاوتي صنعتون کوليون ويون آحن، جنهن کان پوءِ ملڪ ۾ ڪرونا وائرس جي پکڙجڻ به تيزي اچي وئي آهي، 20هين اپريل تي 24 ڪلاڪن دوران ملڪ اندر وڌيڪ 425 ڪرونا جا نوان ڪيس رجسٽر ڪيا ويا آهن، سنڌ ۾ به 220 کان وڌيڪ نوان ڪيس ظاهر ٿيڻ  جي تصديق ڪئي وئي آهي. گذريل 24 ڪلاڪن دوران 19 ڄڻن جي فوت ٿيڻ کانپوءِ فوتين جو انگ 176 ٿي ويو. ملڪ ۾ قاتل ڪرونا وائرس تي ضابطو اچي نه سگهيو آهي، ڌڙا ڌڙا نوان ڪيس ظاهر ٿيڻ جو سلسلو جاري آهي. ملڪ ۾ وڌيڪ 425 ڄڻن کي وائرس جي تصديق کانپوءِ متاثرن جو انگ وڌي 8 هزار 418 ٿي ويو آهي. گذريل 24 ڪلاڪن دوران 17 ڄڻن جي فوت ٿيڻ کانپوءِ فوتين جو انگ 176 ٿي ويو. سنڌ ۾ 2 هزار 537، پنجاب ۾ 3 هزار 721 ڄڻن کي ڪرونا وائرس جي تصديق ٿي آهي. بلوچستان ۾ 432، ڪي پي ڪي ۾ 1235، گلگت بلتستان ۾ 236، آزاد ڪشمير ۾ 49، اسلام آباد ۾ 181 ڄڻن کي وائرس جي تصديق ٿي وئي، نيشنل ڪمانڊ اينڊ آپريشن سينٽر موجب، سڄي ملڪ ۾ گذريل 24 ڪلاڪن دوران 425 ڄڻن کي ڪرونا وائرس جي تصديق ٿي آهي. جڏهن ته 17 ڄڻا فوت ٿيا آهن. نيشنل ڪمانڊ اينڊ آپريشن سينٽر موجب سڄي ملڪ ۾ 24 ڪلاڪن دوران 4 هزار 873 ڄڻن جون ٽيسٽون ڪيون ويون آهن، جنهن کانپوءِ هيل تائين هڪ لک 4 هزار 302 ڄڻن جون ٽيسٽون ٿي چڪيون آهن.

About Asghar Azad

Check Also

سموري دنيا مان ڪعبته الله شريف پهتل 20 لک کان وڌيڪ مسلمانن حج جو فرض ادا ڪري ڇڏيو

”دعائن جا سڀ کان وڌيڪ حقدار فلسطيني آهن، جن وٽ کاڌو ۽ پيئڻ جو پاڻي …

Leave a Reply

Your email address will not be published. Required fields are marked *