سنڌسماءَچار
Related Articles
سومرا فارم اسٽاپ ڀرسان ٻن ڪارن ۾ ٽڪر، هڪ ڪار کاهي ۾ ڪري پئي، 3 ڄڻا فوت
ٽنڊو غلام حيدر ( خاص نمائندو سنڌسماءَچار) ٽنڊو غلام حيدر ويجهو ٻن ڪارن ۾ ٽڪر، هڪ ڪار کاهي ۾ ڪري پئي، گولاڙچي واسي ٻن عورتن سميت 3 ڄڻا فوت ۽ هڪ ٻارڙي سميت 2 ڄڻا زخمي ٿي پي. سومرا اسٽاپ وٽ تيز رفتار ٻن ڪارن ۾ ٽڪر ٿي پيو، جنهن جي نتيجي ۾ هڪ گاڏي کاهي ۾ ڪري پئي، جنهن ۾ سوار گولاڙچاي واسي فقير محمود چيمان سندس گهر واري 50 سالن مقصودان چيمان ۽ نيلم چيمان ٿڏي تي ئي فوت ٿي ويا، حادثي ۾ هڪ معصوم نينگري زويا سخت زخمي ٿي پئي. حادثي جو اطلاع ملڻ تي ٽنڊوغلام حيدر پوليس واقعي واري هنڌ پهچي فوتين ۽ زخمي نينگري کي ٽنڊوغلام حيدر سرڪاري اسپتال آندو جتان ضروري ڪاروائي بعد فوتين جا لاش وارثن حوالي ڪري ڇڏيا ۽ زخمي نينگري زويه جي حالت خطري کان ٻاهر ٻڌائي پئي وڃي. اطلاع تي وارث پهچي لاش پنهنجي شهر گولاڙچي کڻائي ويا جڏھن ته لاش گهر پهچڻ تي ڪهرام مچي ويو واقعي جو اڃا تائين ڪو به ڪيس وغيره داخل ناهي ٿي سگهيو ٽنڊوغلام حيدر پوليس پاران هڪ ڪار واري کي پنهنجي تحويل ۾ وٺي ڇڏيو،جڏھن ته فوتي گولاڙچي شهر جا رهواسي هئا جيڪي حيدرآباد کان سندن پنهنجي شهر گولاڙچي وڃي رهيا هئا ته رستي ۾ حادثو پيش آيو.
