سنڌسماءَچار
Related Articles
ٽنڊو الهيار ۾ بازارون کلڻ بعد ماڻهن جي پيهه، ڪرونا پکڙجڻ جو خدشو
ٽنڊو الهيار( رپورٽ: سجاد حسين سنڌسماءَچار) لاڪ ڊائون کلڻ جي پهرين ڏينهن ٽنڊوالهيار ۾ 5 نوان ڪيس ظاهر ٿيڻ جي تصديق ٿي وئي آهي، بازارن ۾ ماڻهن جي پيهه سبب وڏي پئماني تي ڪرونا پکڙجڻ ج خدشو وڌي ويو. سنڌ حڪومت پاران لاڪ ڊائون ۾ نرمي کانپوءِ سڄي سنڌ جيان ٽنڊو الهيار ضلعي جي سمورن شهرن ۾ به بازرون کلي ويون آهن، پهرين ڏينهن ئي 5 ڪرونا جا ڪيس ظاهر ٿيڻ جي تصديق ٿي وئي آهي. لاڪ ڊائون ۾ نرمي کانپوءِ ٽنڊو الهيار شهر جون سموريون بازارون کلي ويون آهن، جنهن کانپوءِ ماڻهن بازارن جو رخ ڪيو، جتي مردن سان گڏ عورتن ۽ ٻارن جو به وڏو انگ خريداري ۾ مصروف رهيو، ٽنڊو الهيار شهر کانسواءِ، نصرپور، مسڻ، چمبڙ سميت سمورن ننڍن وڏن شهرن جي بازارن ۾ ماڻهن جي پيهه کانپوءِ ڪرونا وائرس جي وبا وڏي پئماني تي ڦهلجڻ جو خدشو به وڌي ويو آهي.
