Wednesday , June 19 2024

” ٻار ڪتن جي ويجهو نه وڃن، اسان ڪتا سنڀاليون يا ٻار“: ڊاڪٽر عذرا پيچوهو

” ٻار ڪتن جي ويجهو نه وڃن، اسان ڪتا سنڀاليون يا ٻار“: آصف زرداري جي ڀيڻ ۽ سنڌ جي صحت واري وزير ڊاڪٽر عذرا پيچوهو

ڪراچي ( رپورٽ: اصغر آزاد   سنڌسماءَچار) ” ٻار ڪتن جي ويجهو وڃن ٿا انڪري ڪتا انهن کي چڪ پائين ٿا، اسان ڪتا سنڀاليو يا ڪتا“، اهو چوڻ آهي سنڌ جي صحت کاتي جي وزير ۽ اڳوڻي صدر آصف علي زرداري جي ڀيڻ صحت کاتي جي وزير ڊاڪٽر عذرا پيچوهو جو. عذرا پيچوهو ڪراچي ۾ اين آءِ سي ايڇ ڊي ۾ ميڊيا سان ڳالهائيندي ان ڳالهه جو اعتراف ڪيو آهي ته، سنڌ خاص طور تي لاڙڪاڻي جي چانڊڪا اسپتال سميت ڪنهن به سرڪاري اسپتال ۾ اسپيشلسٽ ڊاڪٽرن خاص طور تي نيورو سرجن جي کوٽ آهي. اڳوڻي صدر آصف زرداري جي ڀيڻ ۽ پيپلز پارٽي جي چيئرمين بلاول ڀٽو زرداري جي پڦي صحت واري وزي عذرا پيچوهو صحافين جي سوالن جا جو جواب ڏيندي، ناراضگي واري انداز ۾ چيو ته، ” ٻار ڪتن کي تنگ ڪن ٿا ۽ انهن جي ويجهو وڃن ٿا انڪري ڪتا انهن کي چڪين / کائن ٿا، اسان ٻارن کي سنڀاليون يا ڪتا سنڀاليون“. هن چيو ته لاڙڪاڻي ۾ نينگر حسنين ٻگهيو کي رولو ڪتن ڏاڙهيو، لاڙڪاڻي جي اسپتالن ۾ اسپيشلسٽ سرجن ڊاڪٽرن آهن ئي ڪو نه انڪري حسنين کي ڪراچي منتقل ڪرايو، هتي سندس علاجج هلي رهيو آهي ۽ ماهر ڊڪٽرن تي ٻڌل ٽيم سندس ابتدائي سرجري ڪرڻ ۾ ڪامياب ٿي وئي آهي، سندس نيورو سرجري جي امڪان کي رد نه ٿو ڪري سگهجي.

http://www.sindhsamaachar.com/ur/%d9%85%d8%b1%d8%ad%d9%88%d9%85-%d8%a7%d9%8a%d8%a7%d8%b2-%d8%b3%d9%88%d9%85%d8%b1%d9%88-%da%af%d9%88%d8%b1%da%a9-%d8%a7%d9%bf%d8%a7%d8%b1%d9%bd%d9%8a-%da%a9%d8%a7%d9%86-%d9%be%d8%ac%d9%8a%d8%b1%d9%88/

About Asghar Azad

Check Also

سموري دنيا مان ڪعبته الله شريف پهتل 20 لک کان وڌيڪ مسلمانن حج جو فرض ادا ڪري ڇڏيو

”دعائن جا سڀ کان وڌيڪ حقدار فلسطيني آهن، جن وٽ کاڌو ۽ پيئڻ جو پاڻي …

Leave a Reply

Your email address will not be published. Required fields are marked *