سنڌسماءَچار
Related Articles
لاڙڪاڻو(رپورٽر سنڌسماءَچار) وارهه جي شاهي بازار ۾ هٿياربندن جي فائرنگ ۾ 2 ڄڻا مارجي ويا، سرعام فائرنگ سبب شهر ۾ ڏهڪاءُ پکڙجي ويو، واقعي جو ڪارڻ معلوم نه ٿي سگهيو آهي. شهر جي شاهي بازار ۾ هٿياربندن حملو ڪري فائرنگ ڪئي جنهن جي نتيجي ۾ 2 ڄڻا جاني ٻرڙو ۽ گدا حسين چانڊيو ٿڏي تي مارجي ويا. هٿيار بندن جي سرعام فائرنگ سبب بازار ۾ موجود ماڻهن ۾ ڀاڄ پئجي وئي، جڏهن ته واقعي سبب شهر ۾ ڏهڪاءُ پکڙجي ويو. اطلاع تي پوليس واقعي واري هنڌ پهچي ٻنهي مقتولن جا لاش تحويل ۾ وٺڻ بعد تعلقه اسپتال وارهه منتقل ڪيا، جتان ضروري ڪارروائي کانپوءِ مڙهه وارثن حوالي ڪيا ويا. آخري اطلاعن تائين واقعي جو ڪيس داخل نه ٿي سگهيو هو ۽ نه ئي ڪا گرفتاري عمل ۾ اچي سگهي هئي.
