Thursday , May 23 2024

ناظم جوکيو ۽ فهميدا سيال قبيلائي جهيڙن ۾ قتل ٿيا: پ پ ايم پي اي امداد پتافي

ڪراچي( رپورٽ: اصغر آزاد   سنڌسماءَچار) پيپلزپارٽي جي ٽنڊي الهيار مان چونڊيل ايم پي اي ۽ اڳوڻي صوبائي وزير امداد پتافي، شهيد ناظم جوکيو جي قتل کي ذاتي دشمني ۽ قمبر جي خيرپور جوسو ۾ قتل ڪيل ناري فهميدا سيال جي قتل کي قبيلائي تڪرار قرار ڏئي ڇڏيو آهي. سنڌ اسيمبلي جي اجلاس دوران ڳالهائيندي ايم پي اي امداد پتافي چيو ته ناظم جوکيو ۽ فهميدا سيال قبيلائي تڪرارن تان قتل ٿيا آهن، انهن کي هڪ پارٽي سان ڳنڍڻ پيپلزپارٽي دشمني آهي. سنڌ اسيمبلي جي ايوان ۾ ڳالهائيندي امداد پتافي ناظم جوکيو ۽ فهميدا سيال جي قتل کي پنجاب ۾ ٽي ايل پي جي ڌرڻن دوران شهيد ٿيل پنجاب پوليس جي اهلڪارن سان ڳنڍيندي وڌيڪ چيو ته، پنجاب ۾ ٽي ايل پي هڪ هفتو شهر بند ڪري ڇڏيا، پوليس اهلڪارن کي شهيد ڪيو پي ٽي آءِ وارا اُتي اوهان چپ هيا اهو ٻٽو معيار آهي، جيڪو قبول ناهي، ناظم ۽ فهيمدا سيال جي معاملي کي پيپلزپارٽي دشمني ۾ اشو بڻايو پيو وڃي.

ياد هجي ته شهيد ناظم جوکيو قتل ڪيس ۾ پ پ ايم اين اي ڄام عبدالڪريم جوکيو، ايم پي اي ڄام اويس جوکيومک جوابدارن طور نامزد ٿيل آهن، قمبر جي خيرپور جوسو ۾ گهر تي حملو ڪري قتل ڪيل عورت فهميدا سيال جي قتل ڪيس ۾ پ پ ايم پي اي گنهور اسراڻ جو والد غلام شهيد اسراڻ مک جوابدار آهي، جنهن کي پوليس اڃا تائين گرفتار ناهي ڪري سگهي.

About Asghar Azad

Check Also

“صدين کان آباد پنهنجا ڳوٺ خالي ڪيو”، ملير جي ڳوٺاڻن کي نادر شاهي حڪم

“صدين کان آباد پنهنجا ڳوٺ خالي ڪيو”، ملير جي ڳوٺاڻن کي نادر شاهي حڪم   …

Leave a Reply

Your email address will not be published. Required fields are marked *