Monday , May 20 2024

ممتاز جکراڻي مونکي بي شرم ڪوٺيو، ردعمل ۾ مون جيڪو ڪيو ان تي پڇتاءُ ناهي-نصرت سحر عباسي

ڪراچي( رپورٽر سنڌ سماءَ چار) فنڪشنل ليگ جي ايم پي اي نصرت سحر عباسي چيو آهي ته، صوبائي وزير ممتاز جکراڻي مونکي بي شرم ڪوٺيو، ان جي رد عمل ۾ مون جيڪو ڪجهه ڪيو انن تي ڪو به پڇتاءُ ناهي. سنڌ اسيمبلي جي گذريل اجلاس دوران ف ليگ جي ميمبر نصرت سحر عباسي پاران پ پ جي ميمبرن کي جوتو ڏيکارڻ جي حوالي سان هن هڪ وضاحت سماجي رابطن جي ويب سائيٽ فيس بڪ تي جاري ڪئي آهي. جيڪا جيئن جو تيئن ڪجهه هن طرح آهي.

”سنڌ اسيمبلي جي اجلاس دوران اڄ پيپلز پارٽي جي هڪ وزير ممتاز جکراڻي پهنجي محڪمي جي ڪارڪردگي ٻڌائڻ بجاءِ مونکي بيشرم ڪوٺيو ۽ ڪافي خراب زبان استعمال ڪئي جنهن جو وڊيو پڻ موجود آهي، مون جيڪو ڪيو ان تي مونکي ان لاءِ پڇتاءُ ناهي ڇو ته مان هڪ اهڙي ماڻهو سان مخاطب هئس جيڪو ڪرپٽ هئڻ سان گڏ اخلاف کان ڪريل زبان استعمال ڪري رهيو هيو. اهڙي معاملي ۾ جڏهن انهن کي آئينو ٿا ڏيکاريون ته چون ٿا توهان خراب ۽ غير جمهوري ماڻهو آهيو، اسان کي به خبر آهي توهان ڪيترا جمهوري آهيو، توهانجي جي ئي اسپيڪر صاحب ووٽ جي لاءِ ڪهڙا لفظ استعمال ڪيا هئا ؟؟؟ اهي سڀني کي وسري ويا ؟

جن ماڻهن کي راءِ قائم ڪرڻي آهي اهي ڀلي ڪن، باقي تاريخ فيصلو ڪندي ته اسان حق تي آهيون يا ناحق تي“.

About Asghar Azad

Check Also

“صدين کان آباد پنهنجا ڳوٺ خالي ڪيو”، ملير جي ڳوٺاڻن کي نادر شاهي حڪم

“صدين کان آباد پنهنجا ڳوٺ خالي ڪيو”، ملير جي ڳوٺاڻن کي نادر شاهي حڪم   …

Leave a Reply

Your email address will not be published. Required fields are marked *