Monday , May 20 2024

ملي مسلم ليگ دهشتگردن جي عالمي تنظيمن واري فهرست ۾ شامل

واشنگٽن ( سنڌسماءَچار    مانيٽرنگ ڊيسڪ) آمريڪا پاڪستان ۾ تازو قائم ڪيل ملي مسلم ليگ کي بين الاقوامي دهشتگرد تنظيمن جي فهرست ۾ شامل ڪري ڇڏيو آهي، امريڪي پرڏيهي کاتي جو چوڻ آهي ته، ملي مسلم ليگ ۽ تحريڪ آزادي ڪشمير اصل ۾  پابندي مڙهيل لشڪر طيبا جون شاخون آهن ۽ نالا بدلائي سياست ۽ ٻيون سرگرميون ڪري رهيون آهن. تنهن ڪري ٻنهي تنظيمن کي به فارن ٽيرارسٽ آرگنائيزيشن جي اميگريشن اينڊ نيشنل ايڪٽ جي سيڪشن 219 ۽ دهشتگردن جي عالمي لسٽ جي ايگزيڪٽو 13224 تحت لشڪر طيبا ۾ شامل ڪيو ويو آهي. امريڪي  اسٽيٽ ڊپارٽمينٽ جي سماجي رابطن جي ويب سائيٽ ٽوئيٽر تي پنهنجي ٽوئيٽ ۾ چيو ته ملي مسلم ليگ ۽ تحريڪ آزاد ڪشمير اصل ۾ لشڪر طيبا جا مختلف نالا آهن تنهن ڪري ٻنهي پارٽين کي رجسٽرڊ نه ٿو ڪري سگهجي تنهن ڪري ٻنهي پارٽين کي به لشڪر طيبا سان گڏ دهشتگردن جي عالمي لسٽ ۾ شامل ڪيو پيو وڃي. آمريڪي پرڏيهي کاتي پنهنجي ويب سائيٽ تي گهربل عالمي دهشتگردن جي لسٽ ۾ 7 نوان نالا به شامل ڪيا آهن جنهن ۾ سيف الله خالد، اقبال هاشمي، محمد حارث ڊار، تابش قيوم، فياض احمد، فيصل نديم ۽ محمد احسان شامل آهن، اهي سمورا ماڻهو ملي مسلم ليگ جي قيادت جو حصو آهن ۽ لشڪر طيبا جا متحرڪ ڪارڪن به آهن. آمريڪي پرڏيهي کاتي اها به دعويٰ ڪئي آهي ته آگسٽ 2017ع ۾ جوڙيل ملي مسلم ليگ کي لشڪر طيبا جي سربراهه حافظ سعيد جي سرپرستي حاصل آهي ۽ پنهنجي قائم ٿيڻ کان منشور تائين حافظ سعيد جي رضامندي شامل آهي ته جيئن هو سياسي محاذ تي سرگرم رهي سگهي ايستائين جو چونڊن ۾ به حصو وٺي سگهي.

About Asghar Azad

Check Also

ماحولياتي تبديلين کي سمجهڻ لاءِ ميڊيا اهم ڪردار ادا ڪري سگهي ٿي

ماحوليات بابت رپورٽنگ ڪندڙ صحافين جي لاءِ فورم ھجڻ جي سخت ضرورت آھي، تقريب کي …

Leave a Reply

Your email address will not be published. Required fields are marked *