Monday , July 15 2024

لاڙڪاڻي ۾ لاڏائو فقيرن جو سڱاوتي تڪرار تان جهيڙو، هڪ ڄڻو مارجي ويو

لاڙڪاڻو( رپورٽر سنڌ سماءَ چار) لاڙڪاڻي ويجهو لاڏائو فقيرن جي ٻن ڌرين ۾ سڱاوتي تڪرار تان جهيڙي جي نتيجي ۾ هڪ ڄڻو مارجي ويو ۽ عورت سميت 2 ڄڻا زخمي ٿي پيا، متاثر ڌر جو چوڻ آهي ته هٿياربند سندن ٻن نارين کي به اغوا ڪري ويا آهن. ڳوٺ وڏا مهر ۾ لاڏائو فقيرن جي ٻن ڌرين وچ ۾ سڱاوتي تڪرار تان جهيڙو ٿي پيو، جنهن دوران ڪهاڙيون لڳڻ سبب هڪ ڄڻو علي حسن مارجي ويو، جڏهن ته عبدالرحمنٰ کوکر ۽ مسمات سڪينه سخت زخمي ٿي پيا. اطلاع تي پوليس پهچي مقتول جو لاش چانڊڪا اسپتال منتقل ڪيو، جتان ضروري ڪارروائي کانپوءِ مڙهه وارثن حوالي ڪيو ويو.وارثن جو چوڻ آهي ته جوابدارن ظهور، زوار کوکر، خادم، صفدر، سليم ۽ ٻين گهرن تي حملو ڪري نوجوان کي قتل ڪيو. هنن چيو ته جوابدار ٻن نوجوان نارين نصيبو ۽ ڪلثوم کوکر کي اغوا پڻ ڪري ويا آهن، جن جو ڪٿي به ڏس پتو نه پيو ملي. آخري اطلاعن تائين واقعي جو ڪو به ڪيس داخل نه ٿي سگهيو هو ۽ نه ئي گرفتاري عمل ۾ اچي سگهي هئي.

About Asghar Azad

Check Also

عوامي تحريڪ جو جرڳن ۽ جرڳا ڪندڙ سردارن خلاف ڪارروائي جو مطالبو

ڪراچي (اسٽاف رپورٽر  سنڌسماءَچار) عوامي تحريڪ پاران جرڳن، جرڳا ڪندڙ سردارن ۽ سندن سهولتڪار پوليس …

Leave a Reply

Your email address will not be published. Required fields are marked *