Monday , July 15 2024

قصور جي نياڻي زينب جي قاتل کي سڀاڻي صبح جو ڦاهي ڏني ويندي،سري عام ڦاهي جي درخواست رد

لاهور/قصور ( سنڌسماءَچار   مانيٽرنگ ڊيسڪ ) ڪجهه مهينا اڳ قصور ۾ اغوا ڪري جنسي حجھواس جو نشانو بڻائي بيدردي سان قتل ڪيل معصوم نياڻي زينب جي قتل ڪيس ۾ موت جي سزا آيل ملزم عمران کي 17 آڪٽوبر تي صبح جو عَصُر ويل ڦاهي تي لٽڪايو ويندو.

لاهور هاءِ ڪورٽ زينب زيادتي ۽ قتل ڪيس جھي جوابدار عمران کي سر عام ڦاهي ڏيڻ جي درخواست رد ڪري ڇڏي. لاهور هاءِ ڪورٽ جي جسٽس سردار شميم احمد خان ۽ جسٽس شهباز علي رضوي تي ٻڌل لاهور هاءِ ڪورٽ جي بئنچ درخواست تي محفوظ ڪيل فيصلو ٻڌائي ڇڏيو. مختلف شنوائين دوران فريادي امين انصاري جي وڪيل اشفاق چوڌري عدالت ۾ دليل ڏيندي چيو ته دهشتگرديءَ جي خاتمي واري ايڪٽ جي شق 22 تحت عوامي هنڌ تي ڦاهي ٿي سگهي ٿي. عدالت رمارڪس ڏيندي چيو ته توهان سيڪشن 22 پڙهو، جنهن ۾ لکيو ويو آهي ته اهو حڪومت جو ڪم آهي ۽ اسان حڪومت نه آهيون.  عدالت جوابدار عمران کي کل عام ڦاهي ڏيڻ بابت مقتول زينب جي والد جي درخواست رد ڪري ڇڏي.

About Asghar Azad

Check Also

، نوٽيفڪيشن جاري وفاقي ڪابينا شهرين جون فون ڪالز ٽريس ڪرڻ جي اجازت ڏئي ڇڏي

اسلام آباد(خاص نمائندو   سنڌسماءَچار) وفاقي ڪابينا قانون لاڳو ڪندڙ هڪ اداري کي شهرين جون فون …

Leave a Reply

Your email address will not be published. Required fields are marked *