سنڌسماءَچار
Related Articles
فيض گنج/تنگواڻي( رپورٽرز سنڌ سماءَ چار) سنڌ ۾ ارڙيءَ وگهي اڄ وڌيڪ 6 ٻارڙا فوت ٿي ويا، اوٻاوڙي ۾ 3 ٻارڙن، تنگواڻي ۾ وڌيڪ ٻن ۽ فيض گنج جي ڳوٺ رحمت چانگ ۾ به هڪ ٻار دم زنفگي جي جنگ هاري ويو. سنڌ ۾ ارڙيءَ تي اڃا تائين ضابطو اچي نه سگهيو آهي، اوٻاوڙي ۾ 3 ۽ تنگواڻي ۾ وڌيڪ 2 ٻارڙا ارڙيءَ وگهي فوت ٿي ويا آهن. اوٻاوڙي جي ڳوٺ عارب ملڪ ۾ ارڙي ۾ مبتلا 3 ٻارڙا فوت ٿي ويا، فوتي ٻارن ۾ ٻن ورهين جو محمد يامين، هڪ سال جو احسان ملڪ ۽ ٻن ورهين جو غلام محمد ملڪ شامل آهن. تنگواڻي جي ڳوٺ ملڪ محل ۾ به ٻه ٻارڙا ٻن ورهين جو رياض ۽ 3 ورهين جي نياڻي صدوري ارڙيءَ وگهي فوت ٿي ويا. تنگواڻي ۾ ارڙيءَ وگهي هڪ مهيني دوران فوت ٿيل ٻارن جو انگ وڌي 22 ٿي ويوآهي، جڏهن ته هن وقت تائين صحت کاتي ڪي به قدم نه کنيا آهن.
