سنڌسماءَچار
Related Articles
اسلام آباد (خاص نمائندو سنڌسماءَچار) اڳوڻي صدر آصف زرداري سکر ۾ نڪرندڙ عورتن جي آزادي مارچ جي حمايت ڪندي ان جي تحفظ ۽ سهولتون مهيا ڪرڻ جي هدايت به ڪئي آهي، اسلام آباد مان جاري ڪيل بيان ۾ اڳوڻي صدر چيو آهي ته سنڌ ۾ ٿيندڙ عورتن جي آزادي مارچ جي ڀرپور حمايت ڪيون ٿا، سنڌ حڪومت عورت آزادي مارچ جي تحفظ ۽ سهولتون مهيا ڪرڻ لاءِ سمورا ممڪن قدم کڻي. اڳوڻي صدر چيو ته عورتن کي ڪمزور ۽ گهٽ سمجهڻ واري سوچ کي شڪست ملندي، پيپلز پارٽي شهيد ذوالفقار ۽ شهيد بينظير ڀٽو جي فلسفي تي ثابت قدم آهي، معاشري ۾ عورتن جي برابريءَ واري حق کي تسليم ڪرڻو پوندو. شهيد بينظير ڀٽو جو ڪردار عورتن لاءِ مشعلِ راهه آهي، جڏهن ته بختاور ۽ آصفه ڀٽو زرداري به عورتن جو آواز ۽ طاقت آهن.
