Saturday , June 22 2024

عام چونڊون آڪٽوبر بدران ايندڙ سال فيبروري ۾ ڪرائڻ جي تياري

ڪراچي( رپورٽ: اصغر آزاد        سنڌسماءَچار) پي ڊي ايم جي اتحادي حڪومت هلندڙ سال آڪٽوبر مهيني دوران عام چونڊون نه ڪرائڻ جي تياري شروع ڪري ڇڏي آهي، اڳوڻي وزيراعظم نواز شريف، اڳوڻي صدر آصف زرداري، وزيراعظم شحباز شريف،  ۽ پي ڊي ايم سربراهه جي صلاح مشورن بعد شروعاتي طور تي ايندڙ آدمشماري هڪ مهيني لاءِ ملتوي ڪئي وئي آهي. ملڪ جي آئين مطابق هر پنجن سالن کانپوءِ عام چونڊون ڪرائڻ واري آئيني گهرج پوري نه ڪرڻ جو فيصلو ڪيو ويو آهي، جنهن مختلف قانوني طريقا استعمال ڪرڻ لاءِ هوم ورڪ شروع ڪيو ويو آهي؛ ان سلسلي ۾ سنڌسماءَچار پاران گڏ ڪيل معلومات موجب، پي ڊي ايم جي اتحادي حڪومت جَي چئن مک اڳواڻن، اڳوڻي صدر آصف زرداري، اڳوڻي وزيراعظم نواز شريف، پي ڊي ايم جي سربراهه مولانا فضل الرحمان ۽ وزيراعظم شهباز شريف، پنهنجن پنهنجن آئيني ۽ قانوني ماهرن سان صلاح مشورن بعد طاقتور ڌرين سان مشاروت ڪري ان ڳالهه تي اتفاق ڪري ورتو آهي ته، قومي اسيمبلي جو آئيني مدو پورو ٿيڻ تي هلندڙ سال آڪٽوبر مهيني ۾ عام چونڊون نه ڪرايون وينديون، جنهن لاءِ جواز پيدار ڪرڻ خاطر آئيني ۽ قانوني ماهرن کي تياري ڪرڻ جي هدايت ڪئي وئي آهي، سياسي طور تي ماحول ٺاهڻ لاءِ پيپلزپارٽي، ن ليگ ۽ جي يو آءِ پڻ تياري شروع ڪري ڇڏي آهي. ذريعن کان مليل ڄاڻ مطابق، ايندڙ مهيني فيبروي جي پهرين هفتي ۾ رٿيل آدمشماري هڪ مهينو ملتوي ڪئي وئي آهي، جنهن لاءِ جواز اهو ڄاڻايو ويو آهي ته عملي جي کوٽ، مڪمل تربيت، گهربل سامان ۽ ان لاءِ خرچن جي ڪاٿي ۾ به اضافو ڪرڻن آهي، جنهن لاءِ ايندڙ ڪجهه ڏينهن ۾ نئون جواز گهربل بجيٽ جو بندوبست ڪرڻ به هوندو.

ذريئن دعويٰ ڪئي آهي ته فيبروري جي ٻئي يا آخري هفتي ۾ ستين ۽ پهرين ڊجيٽل آدمشماري ٻيهر گهٽ ۾ گهٽ 15 ڏينهن يا هڪ مهيني لاءِ ملتوي ڪري سگهجي ٿي، جنهن جو مک جواز ملڪ جي معاشي صورتحال ڄاڻايو ويندو، جنهن لاءِ آئيني ۽ قانوني رنڊڪون ختم ڪرڻ جو به بندوبست ڪيو ويندو.آدمشماري جو ملتوي ڪرڻ به عام اليڪشن ۾ دير جو مک ڪارڻ آهي، آدمشماري ۽ انن جي نتيجن جي حتمي منظوري وارو مرحلو به ائين ئي انگهايو ويندو.

ايندڙ عام چونڊون نئين آدمشماري ۽ ان آدمشماري تحت ملڪ اندر قومي ۽ صوبائي اسيمبلين جي تڪن جو حدبنديون ڪرڻ به هڪ لازمي آئيني گهرج آهي؛ جيڪا پوري ڪرڻ کانسواءِ عام چونڊون نه ٿيون ڪرائي سگهجن. اهڙي طرح اتحادي حڪومت طاقتور شخصيتن جي راضپي سان عام چونڊوون هلندڙ سالال آڪٽوبر مهيني بدران ايندڙ سال جنوري يا فيبروري ۾ ڪرايون وينديون. ان لاءِ موجوده اسيمبلي  جي مدي وڌائڻ يا نگران حڪومت قائم ڪري ان کان اهو ڪم وٺڻ وارن آپشنز تي غور ڪيو پيو وڃي. ان سلسلي ۾ حڪمران اتحادي جماعت ن ليگ جي پنجاب سان تعلق رکندڙ هڪ سينيئر نالو نه لکڻ جي شرط تي سنڌسماءَچار کي کي ٻڌايو ته ” نواز شريف، آصف زراداري، وزيراعظم شهباز شريف، مولانا فضل الرحمان مسلسل رابطن ۾ آهن، امڪان آهي ته ڊجيٽل آدمشماري جي حتمي نتيجن جو اعلان ڪيو ويندو، پر ان جو وقت طئي ناهي ٿيو“، هن وڌيڪ ٻڌايو ته، “ آصف زرداري ۽ نواز شريف وچ ۾ رابطن دوران جيڪو به طئي ڪيو ويندو، ان مطابق آصف زرداري، شهباز شريف ۽ مولانا فضل الرحمان ۾ ملاقات جو امڪان آهي، هلندڙ سال جولاءِ مهيني جي آخري هفتي يا آگسٽ جي ٻئي هفتي ۾ آصف زرداري ۽ نواز شريف جي رابطن بعد گڏيل مفادن واري ڪائونسل جو اجلاس سڏايو ويندو، ان ئي اجلاس ۾ آدمشماري جي حتمي نتيجن / انگ اکرن جي منظوري ڏني ويندي”.

آدمشماري ۾ ڪراچي ڊويزن ۽ حيدرآباد شهر ۾ آبادي جي انگن اکرن تي تي حڪومتي اتحادي ايم ڪيو ايم کي اعتراض آهن، ان جو ڇا ٿيندو؟ سنڌسماءَچار جي ان سوال تي ن ليگ اڳواڻ مختصر جواب ڏيندي چيو ته، “ ايم ڪيو جي اعتراضن ۽ احتجاج وارا اُهي ڏينهن ويا، ڀلي پريس ڪانفرنسز ڪندا وتن، ميڊيا ۾ موجود پنهنجي ماڻهن کان پلانٽيڊ خبرون هلرائيندا رهن، ان جو اثر ڪنهن تي به نه ٿيندي”.

About Asghar Azad

Check Also

سنڌ حڪومت جون 50کان وڌيڪ گاڏيون غيرواسطيدار ماڻهن حوالي

سنڌ حڪومت جون پنجاهه کان وڌيڪ سرڪاري گاڏيون ايم پي ايز، ڪامورن ۽ بااثر سياسي …

Leave a Reply

Your email address will not be published. Required fields are marked *