Wednesday , May 22 2024

صدارتي چونڊ، مخالف ڌر کي گڏ رکڻ جي آخرتائين ڪوشش ڪنداسين: احسن اقبال

اسلام آباد( سنڌسماءَچار  مانيٽرنگ ڊيسڪ) ن ليگ جي اڳواڻ احسن اقبال چيو آهي ته، غلطيون اسان کان به ٿيو آهن پر سمجهه ۾ نه ٿو اچي ته پ پ پ ڪهڙي قسم جي سياست ڪري رهي آهي، اسان جي ڪوشش آهي ته مخالف ڌر کي گڏ رکڻ لاءِ آخر تائين ڪوشش ڪنداسين. اسلام آباد ۾ ميڊيا سان ڳالهائيندي احسن اقبال چيو ته، صدارتي چونڊ لاءِ مخالف ڌر جي سمورين پارٽين ۾ طئه ٿيو هو ته سموريون پارٽيون پنهنجي پنهنجي اميدوارن جا نالا ڏيندا جن مان گڏيل فيصلو ڪري هڪ نالي تي اتفاق ڪيو ويندو. هن چيو ته اسان کي پ پ يا اعتزاز احسن سان ڪو به ذاتي جهڙو ناهي باوجود ان جي ته اعتزاز احسن نواز شريف ۽ بيگم ڪلثوم نواز بابت هن انتهائي ذاتي سطح جا بيان ڏنا. احسن اقبال چيو ته ماضي ۾ غلطيون اسان کان به ٿيون آهن جن جو ازالو ڪرڻ جي ڪوشش ڪئي آهي پر اسان کي سمجهه ۾ نه ٿو اچي ته پاڪستان پيپلز پارٽي جي دوستن کي ڇا ٿي ويو آهي ۽ اُهي ڪهڙي قسم جي سياست ڪري رهيا آهن. اسان کي لڳي ٿو ته پ پ پ صدارتي چونڊن ۾ تحريڪ انصاف کي آساني سان کٽائڻ جي ڪوشش / واڪ اوور ڪري رهي آهي.

About Asghar Azad

Check Also

ماحولياتي تبديلين کي سمجهڻ لاءِ ميڊيا اهم ڪردار ادا ڪري سگهي ٿي

ماحوليات بابت رپورٽنگ ڪندڙ صحافين جي لاءِ فورم ھجڻ جي سخت ضرورت آھي، تقريب کي …

Leave a Reply

Your email address will not be published. Required fields are marked *