Wednesday , June 19 2024

سکر ميونسپل جي آمدني 80 هزار ۽ خرچ 3ڪروڙن کان وڌيڪ..؟؟

Sukkur SHCسنڌهاءِڪورٽ

سنڌ هاءِ ڪورٽ سکر ميونسپل جي ملازمن طرفان پينشن ۽ پگهارون نه ملڻ واري داخل ڪرايل درخواست تي مڪاني ادارن ۽ ناڻي کاتن جي سيڪريٽرين کي 13 مارچ تي پيش ٿيڻ جو حڪم ڏئي ڇڏيو. ان ڏس ۾ سنڌ هاءِ ڪورٽ جي ٻه رڪني بئنچ سکر ميونسپل ڪارپوريشن جي ملازمن طرفان پگھارون ۽ پينشن نه ملڻ خلاف داخل ڪيل درخواست جي ٻڌڻي ڪئي. جنهن دوران عدالت ميئر کان پڇا ڪئي ته سکر ميونسپل ڪارپوريشن جي آمدني ڪيتري آهي؟ اها پگھارن ۽ پينشن جي مد ۾ ڪيترا پئسا خرچ ڪري ٿي. ميئر عدالت کي ٻڌايو ته، سکر ميونسپل ڪارپوريشن جي آمدني 80 هزار آهي، جڏهن ته  پينشن جو 70 سيڪڙو سنڌ سرڪار گرانٽ ڏيندي آهي، پگھارن ۽ پينشن جي مد ۾ 3 ڪروڙ رپين کان وڌيڪ ادائگي ڪئي ويندي آهي. جنهن تي عدالت رمارڪس ڏيندي چيو ته اها شرم جوڳي ڳالھه آهي جو 80 هزار آمدني تي 3 ڪروڙن جون پگھارون ڏنيون وڃن؟ پٽيشنر جي وڪيل هادي بخش ڀٽ عدالت کي ٻڌايو ته سکر ميونسپل ڪارپوريشن جا ملازم ريگيولر پنهنجا فرض سرانجام ڏين ٿا، رٽائرڊ ۽ حاضر سروس ملازمن جون پگهارون ۽ پينشن سندن حق آهن، جن کي نه ڏيڻ سراسر ناانصافي آهي.

About Asghar Azad

Check Also

سموري دنيا مان ڪعبته الله شريف پهتل 20 لک کان وڌيڪ مسلمانن حج جو فرض ادا ڪري ڇڏيو

”دعائن جا سڀ کان وڌيڪ حقدار فلسطيني آهن، جن وٽ کاڌو ۽ پيئڻ جو پاڻي …

Leave a Reply

Your email address will not be published. Required fields are marked *