سنڌسماءَچار
Related Articles
سکر: صحافين ۽ سول سوسائٽي پاران دهشتگردي خلاف امن ريلي ڪڍي وئي. سکر ۾ صحافين ۽ سول سوسائٽي پاران دهشتگردي خلاف امن ريلي ڪڍي وئي، ريلي ۾ شامل ماڻهن گيڙو رومال پهري ڌمال هنئي. سول سوسائٽي ۽ صحافين هادي بخش ڀٽ وڪيل، نثار ڀنڀرو، جاويد ميمڻ، شبير شر، ابراهيم سارنگ ۽ ٻين جي اڳواڻي ۾ گهٽا گهر چوڪ کان پريس ڪلب سکر تائين امن ريلي ڪڍي. امن ريلي ۾ صحافين ۽ سول سوسائٽي جي ماڻهن، شهرين ۽ پوليس توڙي رينجرز جي اهلڪارن وڏي انگ ۾ شرڪت ڪئي. ريلي ۾ شامل صحافين ۽ سول سوسائٽي جي ماڻهن گيڙو رومال پهري پريس ڪلب آڏو ڌمال هڻي سيوهڻ ۾ ٿيل دهشتگردي جي نندا ڪئي. ريلي ۾ شامل اڳواڻن جو چوڻ هو ته سنڌ صوفين، بزرگن ۽ امن پسند ماڻهن جي ڌرتي آهي، هن ڌرتي تي انتها پسندي، نفرت توڙي دهشتگردي جي ڪا به گنجائش نه آهي. ريلي ۾ شامل ماڻهن بعد ۾ پريس ڪلب سکر آڏو ميڻ بتيون ٻاري سيوهڻ سانحي ۾ شهيد ٿيلن کي ڀيٽا پيش ڪئي.
