Monday , June 24 2024

سي ايم هائوس جي ترجمان جي تبليغي جماعت بابت هڪ پڌرائي؛ سنڌ ۾ ڏهڪاءُ پکيڙي ڇڏيو

سي ايم هائوس جي ترجمان جي تبليغي جماعت رائيونڊ ويل 4500 ماڻهن کي 4 لک 50 هزار بڻائي ڇڏيو

ڪراچي ( رپورٽ: اصغر آزاد    سنڌسماءَچار) وزيراعليٰ هائوس جي ترجمان پاران، وڏي وزير مراد علي شاهه جي حوالي سان تبليغي جماعت جي حوالي سان هڪ بيان جاري ڪيو ويو، جنهن ۾ چيو ويو ته، “سنڌ مان 4 لک 50 هزار ماڻهو تبليغي اجتماع تي رائيونڊ ويا هئا، جيڪي واپس  آيا آهن، حيدر آباد جي تبليغي مرڪز ۾ جڏهن اهي ماڻهو واپس آيا ته انهن ۾ وڏي پئماني تي ڪرونا وائرس مبتلا هئا” سي ايم هائوس جي ترجمان پاران اهڙو بيان ميڊيا تي نشر ٿيڻ بعد سڄي سنڌ ۾  ڊڄ ۽ پريشاني وارو ماحول پکيڙي ڇڏيو. سي ايم هائوس جي ترجمان پاران وڏي وزر مراد علي شاهه جي اهڙي بيان جي ميڊيا تي اچڻ بعد سوشل ميڊيا تي به مختلف قسمن جا افواهه پکڙجڻ لڳا. جاري ڪيل بيان کانپوءِ ٻيهر سي ايم هائوس جي ترجمان هڪ وضاحتي بيان جاري ڪري ڇڏيو، جنهن ۾ انگ 4 هزار 500 ڏيکاريو ويو،، ٻيهر جاري ڪيل ان وضاحتي بيان ۾ ڪٿي به ايڏي وڏي لاپروواهي جي معذرت نه ڪئي وئي.

About Asghar Azad

Check Also

سنڌ حڪومت جون 50کان وڌيڪ گاڏيون غيرواسطيدار ماڻهن حوالي

سنڌ حڪومت جون پنجاهه کان وڌيڪ سرڪاري گاڏيون ايم پي ايز، ڪامورن ۽ بااثر سياسي …

Leave a Reply

Your email address will not be published. Required fields are marked *