Wednesday , May 22 2024

سيوهڻ سانحو: قانون لاڳوڪندڙ ادارن جون خيرپور، دادو، ڏوڪري ۽ سيوهڻ ۾ ڪارروايون، 70 کان وڌيڪ شڪي جوابدار گرفتار

Dadu arrest dadu arrest1

دادو : جوهي مان حراست ۾ ورتو شڪي جوابدار

سيوهڻ ۾ قلندر لال شهباز جي مزار  ۾ ٿيل آپگهاتي ڌماڪي کانپوءِ قانون لاڳو ڪندڙ ادارن، رينجرز ۽ پوليس سنڌ جي مختلف شهرن ۾ ڪارروايون ڪندي دهشتگردن جي سهولتڪاري جو شڪ هجڻ جي بنياد تي 70 کان وڌيڪ ماڻهن کي حراست ۾ وٺي ڇڏيو آهي. ڪارروايون سڪرنڊ، محراب پور، خيرپور، جوهي ۽ ڏوڪري سميت مختلف علائقن ۾ ڪيون ويون آهن.

پوليس ذريعن جو چوڻ آهي ته قانون لاڳو ڪندڙ ادارن خيرپور ضلعي جي هڪ ڳوٺ تي چڙهائي ڪري عبدالحفيظ بروهي نالي همراهه سميت 3 ڄڻن کي حراست ۾ وٺي ڇڏيو آهي. ذريعن جو چوڻ آهي ته گرفتار ڪيل حفيظ بروهي جو واسطو شڪارپور ضلعي سان آهي، جيڪو شڪارپور ڌماڪي ۾ ملوث دهشتگرد ٽولي جو ساٿي آهي ۽ هو سيوهڻ ڌماڪي ۾ آپگهاتي بمبار جي ۽ ان ئي نيٽ ورڪ جو سهولتڪار آهي.

قانون لاڳو ڪندڙ ادارن دادو ضلعي جي جوهي واري علائقي ۾ ڪارروائي ڪندي حبيب الله ۽ عزيز الله جمالي سميت 3 ڄڻن کي حراست ۾ وٺي اڻڄاتل هنڌ منتقل ڪري ڇڏيو آهي. ذريعن موجب جوهي مان گرفتار ڪيل ٽنهي ڄڻن تي به دهشتگردن جي سهولتڪاري جو الزام آهي.

دادو ۽ خيرپور کانسواءِ قانون لاڳو ڪندڙ ادارن نوابشاهه جي سڪرنڊ ۽ نوشهروفيروز جي محراب پور وارن علائقن ۾ به ڪاروايون ڪيون آهن، ذريعن دعويٰ ڪئي آهي ته انهن علائقن مان به ڪجهه ماڻهن کي حراست ۾ ورتو ويو آهي جن مٿان دهشتگردن جي سهولتڪار هجڻ جو شڪ آهي.

 

About Asghar Azad

Check Also

“صدين کان آباد پنهنجا ڳوٺ خالي ڪيو”، ملير جي ڳوٺاڻن کي نادر شاهي حڪم

“صدين کان آباد پنهنجا ڳوٺ خالي ڪيو”، ملير جي ڳوٺاڻن کي نادر شاهي حڪم   …

Leave a Reply

Your email address will not be published. Required fields are marked *