Monday , May 20 2024

سنڌ ۾ پيئڻ لاءِ گندوپاڻي مهيا ڪرڻ وارو مامرو، سپريم ڪورٽ دستاويزي فلم چونڊيل نمائندن کي ڏيکارڻ جي هدايت

larkano swage water

سپريم ڪورٽ سنڌ جي شهرن ۾ صاف پاڻيءَ جي فراهمي ۽ نيڪال بابت ڪميشن جي مدي ۽ اختيارن جو دائرو وڌائيندي سنڌ حڪومت کي چيف سيڪريٽري ۽ ٽاسڪ فورس جي ميمبرن جي بدلين کان روڪي ڇڏيو آهي، عدالت ڪميشن جي پاڻي فراهمي بابت دستاويزي فلم سنڌ اسيمبلي جي اسپيڪر ۽ ٻين لاڳاپيل ادارن کي موڪلڻ جو به حڪم ڏئي ڇڏيو آهي.

سپريم ڪورٽ ڪراچي رجسٽري   سنڌ جي شهرن ۾ صاف پاڻيءَ جي فراهمي ۽ گندي پاڻيءَ جي نيڪال بابت  تفصيلي فيصلو  جاري ڪندي ڪميشن جي مدي ۽ اختيارن ۾ واڌ ڪري ڇڏي آهي.

سپريم ڪورٽ چيف سيڪريٽري سنڌ ۽ ٽاسڪ فورس جي ميمبرن جي بدلين کان روڪيندي  سنڌ حڪومت کي عدالت جي حڪمن تي عملدرآمد جو به حڪم ڏئي ڇڏيو آهي.

عدالتي فيصلي ۾ چيو ويو آهي ته ڪميشن سنڌ حڪومت جي ٽاسڪ فورس ذريعي پنهنجن حڪمن تي عملدرآمد ڪرائيندي ۽ ٽاسڪ فورس کان ماهوار رپورٽ به وٺندي.

عدالتي حڪم ۾ وڌيڪ چيو ويو آهي ته ڪميشن هاءِ ڪورٽ جي جج جي حيثيت سان جڏهن ۽ جيئن  به چاهي  حڪم جاري ڪري سگهي ٿي، جيڪي سپريم ڪورٽ کانسواءِ ڪٿي به چئلينج نه ٿي سگهندا.

عدالتي فيصلي ۾ ڪميشن سربراهه جسٽس اقبال ڪلهوڙو جي رپورٽ جي واکاڻ سان گڏ ان کي سپريم ڪورٽ جي فيصلي جو حصو بڻايو ويو آهي.

water drinking2

سپريم ڪورٽ پاڻيءَ جي فراهمي ۽ نيڪال جي بدتر صورتحال تي ٺهيل دستاويزي فلم سنڌ اسيمبليءَ جي اسپيڪر ۽ ٻين لاڳاپيل ادارن کي موڪلڻ جو حڪم ڏيندي ڪيس جي ٻڌڻي چئن مهينن لاءِ ملتوي ڪري ڇڏي آهي.

About Asghar Azad

Check Also

“صدين کان آباد پنهنجا ڳوٺ خالي ڪيو”، ملير جي ڳوٺاڻن کي نادر شاهي حڪم

“صدين کان آباد پنهنجا ڳوٺ خالي ڪيو”، ملير جي ڳوٺاڻن کي نادر شاهي حڪم   …

Leave a Reply

Your email address will not be published. Required fields are marked *