Monday , May 20 2024

سنڌ ۾ نئين مزدور پاليسي جو اعلان،سروسز ٽربيونل 60 ڏينهن ۾ فيصلو ڪرڻ جا پابند هوندا

ڪراچي( رپورٽر     سنڌسماءَچار) سنڌ سرڪار صوبي ۾ نئين ليبر پاليسي جو اعلان ڪري ڇڏيو آهي، سينئر صوبائي وزير نثار کهڙو چيو آهي ته پاليسي تحت مزدورن کي يونين ٺاهڻ جو اختيار هوندو، ليبر ڪورٽس ۽ ٽريبيونلز کي 60 ڏينهن اندر فيصلا ڏيڻا پوندا، جڏهن ته پاليسي تي عمل کي يقيني بڻائڻ لاءِ 3 رڪني اسٽينڊنگ ڪميٽي به قائم ڪئي ويندي. ڪراچي ۾ صوبائي وزير ناصر شاهه سان گڏيل پريس ڪانفرنس ڪندي نثار کهڙي، صوبي جي نئين ليبر پاليسي جو اعلان ڪيو. سينئر صوبائي وزير چيو ته پاليسي تحت مزدورن کي يونين ٺاهڻ جو اختيار هوندو، جڏهن ته صنعتڪارن سان گڏجي هنرمندن جي تربيت لاءِ نظام جوڙيو ويندو. نئين ليبر پاليسي تحت ليبر ڪورٽس ۽ ٽريبيونلز کي 60 ڏينهن اندر فيصلا ڏيڻا پوندا، جڏهن ته پاليسي تي عمل کي يقيني بڻائڻ لاءِ 3 رڪني اسٽينڊنگ ڪميٽي به قائم ڪئي ويندي. ا موقعي تي پورهيئي کاتي جي وزير سيد ناصر شاهه چيو ته مزدورن جي سماجي سڪيورٽي ۽ اِي او بي آءِ کي جلد آفاقي بڻايو ويندو، جڏهن ته پاليسي سان صوبي مان چائلڊ ليبر ۽ جبري پورهئي جو خاتمو آندو ويندو.

About Asghar Azad

Check Also

“صدين کان آباد پنهنجا ڳوٺ خالي ڪيو”، ملير جي ڳوٺاڻن کي نادر شاهي حڪم

“صدين کان آباد پنهنجا ڳوٺ خالي ڪيو”، ملير جي ڳوٺاڻن کي نادر شاهي حڪم   …

Leave a Reply

Your email address will not be published. Required fields are marked *