سنڌسماءَچار
Related Articles
آءِ جي سنڌ پوليس آفيسرز کي هدايت ڪئي آهي ته نيشنل ايڪشن پلان ۽ ايپيڪس ڪميٽي جي فيصلن تي انهن جي روح مطابق عمل کي يقيني بڻايو وڃي، پوليس سان سهڪار نه ڪندڙ فورٿ شيڊيول ۾ شامل ماڻهن جا نالا اي سي ايل ۾ شامل ڪري سندن بئنڪ اڪائونٽس بند ڪيا وڃن. اي ڊي خواجا جي صدارت هيٺ ٿيل ايپيڪس ڪميٽي فيصلن تي عملدارآمد ڪرڻ بابت اجلاس ٿيو، جنهن ۾ سمورن ڊوزيزنز جا ڊي آءِ جيز ۽ لاڳاپيل پوليس آفيسرز شريڪ ٿيا.
آءِ جي سنڌ جي صدارت هيٺ ٿيل اجلاس ۾ فيصلو ڪيو ويو آهي ته، مختلف عدالتن مان دهشتگردي ۽ ٻين ڪيسن ۾ اشتهاري قرار ڏنل سمورن جوابدارن جا نالا اي سي ايل ۾ شامل ڪيا ويندا ۽ انهن جا بئنڪ اڪائونٽس به سيل ڪيا ويندا.آءِ جي آفيس جي ترجمان پاران جاري ڪيل پڌرائي ۾ چيو ويو آهي ته، اي ڊي خواجا سمورن ڊي آءِ جيز ۽ ايس ايس پيز سميت لاڳاپيل عملدارن کي هدايت ڪئي آهي ته، نيشنل ايڪشن پلان تحت ايپيڪس ڪميٽي جي فيصلن تي انهن جي روح مطابق عمل ڪيو وڃي.
