سنڌسماءَچار
Related Articles
نيب سنڌ پاران سنڌ ووڪيشنل ٽريننگ اٿارٽي ۾ غيرقانوني ڀرتيون ڪرڻ واري ،معاملي جو ريفرينس احتساب عدالت ۾ داخل ڪرائي ڇڏيو آهي. نيب سنڌ ووڪيشنل ٽريننگ اٿارٽي ۾ غيرقانوني ڀرتيون ڪرڻ بابت ڪرپشن ڪيس ۾ اڳوڻي مئنيجنگ ڊائريڪٽر حفيظ الله عباسي سميت ٻين عملدارن کي نامزد ڪيو ويو آهي.
سنڌ ووڪيشنل ٽريننگ اٿارٽي جي اڳوڻي مئنيجنگ ڊائريڪٽر حفيظ الله عباسي ۽ ٻين تي الزام آهي ته انهن 2012 دوران اٿارٽي ۾ مختلف گريڊس لاءِ ملازمن جو ڀرتيون رشوت عيوض غيرقانوني طريقي سان ڪري سرڪاري خزاني کي گهاٽو پهچايو.
سنڌ ووڪيشنل ٽريننگ اٿارٽي ڪرپش ڪيس جو مک جوابدار تڏهوڪو ايم ڊي حفيظ الله عباسي گرفتار آهي، جڏهن ته ٻيا نامزد جوابدار ضمانتن تي آزاد آهن.
نيب احتساب عدالت کي ٻڌايو ته جوابدارن خلاف شاهديون ملڻ کان پوءِ جاچ شروع ڪئي وئي هئي، جنهن بعد ريفرنس داخل ڪرايو ويو آهي.
