Thursday , May 30 2024

سنڌ واسي پيئڻ جي پاڻي لاءِ محتاج، اڳوڻو وڏو وزير 21 ڪروڙن کان وڌيڪ جي ملڪيتن جو مالڪ

حيدرآباد ( اصغر آزاد    مانيٽرنگ ڊيسڪ) اليڪشن اچڻ سان عوام کي خبر پوي ٿي ته سندن ووٽن تي ڪاميابي ماڻي اقتدار ۾ ايندڙ سياستدانن وٽ ڪيتري ملڪيت آهي، سنڌ جا ماڻهو ته پيئڻ جي صاف پاڻي لاءِ مهتاج ۽ اڪثريت گٽرن جو گند مليل پاڻي پيئڻ تي مجبور آهي، اتي مٿن حڪمراني ڪندڙ وڏو وزير (اڳوڻو) مراد علي شاهه جي ملڪيتن ۾ واڌ ٿيندي رهي آهي، مراد علي شاهه وٽ 21 ڪروڙن کان وڌيڪ جي ماليت جا اثاثا آهن.  اليڪشن ڪميشن پاران سنڌ

جي اڳوڻي وڏي وزير سيد مراد علي شاهه جي اثاثن جا تفصيل ظاهر ڪيا ويا آهن، جنهن موجب وٽس 21 ڪروڙ 39 لک رپين کان وڌيڪ جي ملڪيت آهي. اليڪشن ڪميشن پاران سنڌ جي اڳوڻي وڏي وزير سيد مراد علي شاهه جي اثاثن جا تفصيل ظاهر ڪيا ويا آهن . اليڪشن ڪميشن موجب اڳوڻي وڏي وزير وٽ 21 ڪروڙ 39 لک 18  هزار 499 رپين جا   اثاثا موجود آهن. اليڪشن ڪميشن موجب مراد علي شاهه جو ڪراچي ۾ هڪ ڪروڙ 15 لک رپين جو بنگلو آهي، جڏهن ته 51 ايڪڙ ايراضي زمين به ظاهر ڪئي وئي آهي. دستاويز موجب سيد مراد علي شاهه 10 تولا سون ۽ هڪ ڪروڙ 20 لک رپين جي ٻن گاڏين جو به مالڪ آهي. جاري ڪيل دستاويزن مطابق اڳوڻي وڏي وزير وٽ 2 لک 64 هزار 368 ڊالرز جو بينڪ بيلنس پڻ موجود آهي.

About Asghar Azad

Check Also

“صدين کان آباد پنهنجا ڳوٺ خالي ڪيو”، ملير جي ڳوٺاڻن کي نادر شاهي حڪم

“صدين کان آباد پنهنجا ڳوٺ خالي ڪيو”، ملير جي ڳوٺاڻن کي نادر شاهي حڪم   …

Leave a Reply

Your email address will not be published. Required fields are marked *