سنڌسماءَچار
Related Articles
ڪراچي (اصغرآزاد سنڌسماءَچار) سنڌ هاءِ ڪورٽ ڪراچي ڊيولپمينٽ اٿارٽي، ايم ڊي اي، سنڌ بلڊنگ ڪنٽرول اٿارٽي ۽ واٽر بورڊ ۾ گذريل 17 سالن دوران ٿيل ڀرتين جو سمورو رڪارڊ گهرائي ورتو آهي، چيف جسٽس احمد علي شيخ، ايم پي اي هاسٽل ۽ سنڌ اسيمبلي جي نئين عمارتن جي اڏاوت ۾ مبينا ڪرپشن واري معاملي جي به رپورٽ طلب طلب ڪري ورتي آهي.
سنڌ هاءِ ڪورٽ جي چيف جسٽس احمد علي شيخ جي سربراهي ۾ بئنچ ايم پي اي هاسٽل جي عمارت تعمير ۾ ڪرپشن واري ڪيس، گذريل سنڌ اسيمبلي، ڪي ڊي اي، ايم ڊي اي، سنڌ بلڊنگ ڪنٽرول اٿارٽي ۽ ڪراچي واٽر بورڊ ۾ گذريل 17 سالن دوران ڪيل ڀرتين جو رڪارڊ طلب ڪيو آهي.
عدالت پنهنجي حڪم ۾ چيو آهي ته ڀرتي ڪيل ملازمن جا نالا، عهدا ۽ تعليمي قابليت به ٻڌائي وڃي.عدالت پنهنجي حڪم ۾ چيو آهي ته اهو به ٻڌايو وڃي ته ڀرتين لاءِ گهٽ ۾ گهٽ تعليمي قابليت ڪيتري هئي.
